1 पतरस 1:14 - बिलासपुरी नौआं नियम

¹⁴ हुक्म मनणे औल़े बच्चयां साई रौआ कने अपणी बुरी इच्छां रे मुतावक बर्ताव मत करा, तियां जे तुहें पैहले कराँ थे ताहली जे तुहांजो परमेशरा री सच्चाई पता नीं थी।

1 पतरस 1:14 ပူးပေါင်းရင်းမြစ်များ

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

रोमियो 6:4

ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

1 थिस्सलुनीकियां 4:5

कने तुहांजो ये काम्म अन्यजातियां साई बासना रिया इच्छा ते नीं करना चाहिन्दा, सै जे परमेशरा जो नीं जाणदे,

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।