1 पतरस 1:13 - बिलासपुरी नौआं नियम

¹³ इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

1 पतरस 1:13 ပူးပေါင်းရင်းမြစ်များ

मत्ती 20:4

तिने मजदूरां जो बोल्या, तुहें बी जाईने मेरे बगीचे च काम्म करा, मांह तुहांजो ठीक मजदूरी देणी, इस खातर सै चलीपे।

लूका 12:35

“परमेशरा री सेवा खातर सदा त्यार रौओ कने चौकन्ने रौओ।

लूका 17:30

तियां इ तिस बगत जे माहणुये रे पुत्रा यनि मांह वापस औणा, तिस वगत बी इयां इ हूणा कने लोकां जो अपणे कम्मां ते बेहल नीं हूणी।”

लूका 17:8

क्या सै तिन्हांने येढ़ा नीं बोलगा, भई पैहले मेरे खातर रोटी त्यार कर कने तदुआं तक जे हऊँ रज्जीने नीं खाऊं-पीऊं तदुआं तक त्यार हुईने मेरी सेवा कर, इसते बाद तू बी खाई पी लै?

रोमियो 13:13

इस खातर औआ अहें तिन्हां लोकां साई ठीक ढंगा ने व्यवहार करना शुरु करिये सै जे जोतिया च रैं कने अन्धकारा च नीं। कने तुहांजो हरेक किस्मा री नशाखोरी कने दुराचारा च शामिल नीं हूणा चाहिन्दा; कने तुहांजो इक्की दूये ने लड़ाई कने हिरख नीं करना चाहिन्दा।

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

1 कुरिन्थियों 1:7

इस खातर तियां जे तुहें बौहत बेसब्रिया ने अहांरे प्रभु यीशु मसीह रे औणे रा इन्तजार कराँ ये, तां तुहांले परमेशरा रा हरेक वरदान आ।

1 कुरिन्थियों 13:13

पर हुण ये तिन्नो ये: विश्वास, आशा कने प्यार। पर इन्हा च सब्बीं ते बड्डा प्यार आ।

इफिसियां 6:14

इस खातर सच्चाईया रिया पेट्टिया ने अपणी कमर कस्सीने, कने धार्मिकता री झिलम पैहनीने,

कुलुस्सियां 3:4

ताहली जे मसीह सै जे अहांरा जीवन आ, भीं ते परगट हूणा, तां तुहें बी तिस सौगी तिसरिया महिमा समेत परगट कित्ते जाणे।

2 थिस्सलुनीकियां 1:7

कने तुहें सै जे पीड़ा सैयां राँये कने अहांजो बी तिस चैन देणा। ये तिस वगत हूणा ताहली जे प्रभु यीशुये अपणे सामर्थी दूतां सौगी, भड़की रिया अग्गी च स्वर्गा ते प्रगट हूणा,

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

2 तिमुथियुस 4:8

हुण जीता रा मुकुट स्वर्गा च मेरे खातर इन्तजार करया राँ, काँह्भई मैं परमेशरा जो खुश कित्तिरा। प्रभु सै जे न्याय ने सारयां लोकां रा न्याय कराँ तिस न्याय रे दिन मिन्जो ये मुकट देणा, मिन्जो इ नीं वल्कि तिन्हां सारयां लोकां जो बी देणा सै जे तिसरे दोवारा औणे रा बेशबरिया ने इन्तजार करया राँये।

इब्रानियों 10:35

इस खातर अपणी हिम्मत नीं छड्डा, काँह्भई जे तुहें लगातार हिम्मत रखगे तां तुहां बड्डा ईनाम पाणा।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

इब्रानियों 6:19

अहांरी आशा मजबूत इ कने ये हिल्ली नीं सकदी कने ये अहांजो परमेशरा ते भटकणे नीं देन्दी, वल्कि ये अहांजो परमेशरा रे मन्दरा रिया पवित्र जगह तक लेई जांई,

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

1 पतरस 1:10

इस छुटकारे रे बारे च तिन्हें भविष्यवक्तयां, बड़िया सावधानिया ने खोज-बीण कित्तिरी थी, कने तिन्हें तिस अनुग्रह रे वारे च भविष्यवाणी कित्ती सै जे तुहां पर हुणे औल़ा था।

1 पतरस 3:15

बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

1 पतरस 5:12

मैं तुहांजो ये छोट्टी जेई चिट्ठी सिलवानुस रिया मददा ने लिखिरा, तिस्सो जे हऊँ बफादार विश्वासी समझां। हऊँ तुहांजो हौंसला देणा चांह कने विश्वास दिलां भई परमेशरा रा सच्चा अनुग्रह येई हाया। इस अनुग्रह च बणीरे रौआ।

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।