1 यूहन्ना 5:9 - बिलासपुरी नौआं नियम

⁹ ताहली जे अहें माहणुये रिया दित्ति रिया गवाहिया पर विश्वास करी लैं, तां परमेशरा री दितिरी गवाही त इसते बी बधीने इ; कने परमेशरा री गवाही येई भई तिने अपणे पुत्रा रे बारे च गवाही दित्ति।

1 यूहन्ना 5:9 ပူးပေါင်းရင်းမြစ်များ

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

यूहन्ना 10:38

पर जे हऊँ कराँ, तां चाये माह पर विश्वास करा या नां करा, पर तिन्हां गल्लां पर त विश्वास करा ताकि तुहें जाणी सक्को कने समझी सक्को भई पिता माह चा कने हऊँ पिता चा।”

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

प्रेरितां 17:31

काँह्भई तिने इक दिन रखीरा, तिसच जे तिस माहणुये रे जरिये संसारा रा न्याय करना, तिस्सो जे तिने रखीरा, कने तिस्सो मूईरेयां चते ज्यूंदा करीने इसा गल्लां रा सबूत सारयां लोकां जो देईतरा।”

प्रेरितां 5:32

अहें इन्हां गल्लां रे गवाह ये कने तियां जे पवित्र आत्मा बी, तिस्सो जे परमेशरे तिसरा हुक्म मनणे औल़यां जो दित्तिरा।”

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।

इब्रानियों 6:18

तां फेरी येत्थी दो गल्लां ईं-परमेशरा रा वायदा कने तिसरी कसम-सै जे कदीं नीं बदली सकदियां कने तिन्हांरे बारे च जे परमेशर कदीं झूट्ठ नीं बोल्ली सकदा। इस खातर अहें सै जे परमेशरा ले सुरक्षा पाणे जो आईरे कने सै आशा जे तिने अहांजो दित्तिरी, तिसाजो थम्मीरे हुये, बौहत जोशा चे।

1 यूहन्ना 5:10

सै जे परमेशरा रे पुत्रा पर विश्वास कराँ, सै अपणे दिला च तिसा गवाहिया जो रक्खां; तिने जे परमेशरा पर विश्वास नीं कित्या, सै परमेशरा जो झूट्ठा बणां; काँह्भई तिने तिसा गवाहिया पर विश्वास नीं कित्या, सै जे परमेशरे अपणे पुत्रा रे बारे च दितिरी,

1 यूहन्ना 5:8

कने गवाही देणे औल़े तिन्न ये; आत्मा, पाणी कने खून कने ये तिन्नो इक्की गल्ला पर अप्पूँ चियें सहमत ये।