1 यूहन्ना 5:8 - बिलासपुरी नौआं नियम

⁸ कने गवाही देणे औल़े तिन्न ये; आत्मा, पाणी कने खून कने ये तिन्नो इक्की गल्ला पर अप्पूँ चियें सहमत ये।

1 यूहन्ना 5:8 ပူးပေါင်းရင်းမြစ်များ

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

मरकुस 14:56

काँह्भई बौहत सारे तिसरे बरोधा च झूट्ठी गवाही देया राँ थे, पर तिन्हांरियां गवाहियां इक्को जेईयां नीं थिआं।

यूहन्ना 15:26

पर तिस बगत जे सहायक औणा, ये सै पवित्र आत्मा सै जे पिता परमेशरा रिया तरफा ते औआं कने सै जे सच्च आ तिस्सो प्रगट करां। ताहली जे तिस औणा, तां तिस तुहांजो मेरे बारे च दसणा।

यूहन्ना 19:34

पर तिन्हां चते इक्की सिपाईये यीशुये रिया बखिया च अपणा भाला मारया, तिसते जे ताहलूं इ खून कने पाणी निकल़या।

प्रेरितां 15:15

इसते भविष्यवक्तयां रियां गल्लां बी मिलां ईं, तेढ़ा जे पवित्रशास्त्रा च लिखिरा:

रोमियो 8:16

पवित्र आत्मा कने अहांरा आत्मा दोन्नों बोलां ये भई अहें परमेशरा रे बच्चे;

इब्रानियों 13:12

इसा वजह ते, यीशुये बी लोकां जो अपणे इ लहूये रे जरिये पवित्र करने खातर यरूशलेम नगरा ते बाहर दुख सैया कने मरया।

इब्रानियों 6:4

सै लोक जे अपणे विश्वासा जो छड्डी दें तिन्हांजो भीं ते मन फिराव रिया तरफा कियां ल्याया जाई सक्कां? तिन्हें इक बार परमेशरा री सच्चाई पैहचाणी थी, स्वर्गा ते बरदान पाये थे कने तिन्हें दुज्यां सौगी इकट्ठा पवित्र आत्मा पाया था,

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,

1 यूहन्ना 5:9

ताहली जे अहें माहणुये रिया दित्ति रिया गवाहिया पर विश्वास करी लैं, तां परमेशरा री दितिरी गवाही त इसते बी बधीने इ; कने परमेशरा री गवाही येई भई तिने अपणे पुत्रा रे बारे च गवाही दित्ति।