1 यूहन्ना 5:20 - बिलासपुरी नौआं नियम

²⁰ पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

1 यूहन्ना 5:20 ပူးပေါင်းရင်းမြစ်များ

मत्ती 13:11

तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

लूका 21:15

काँह्भई मांह तुहांजो अपणे बचावा खातर विचार कने बुद्धि देणी, भई तुहांरे सारे बरोधी तुहांरा सामना करीने येढ़ा नीं बोल्ली सक्को भई तुहें गल़त ये।

लूका 24:45

फेरी यीशुये तिन्हाजो समझाणे रे खातर तिन्हांरी मदद कित्ती, तिसते जे सै पवित्रशास्त्रा री गल्लां जो समझी सक्को।

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना 10:30

हऊँ कने मेरा पिता इक ये।”

यूहन्ना 14:20

तिस बगत ये साफ हुई जाण भई हऊँ अपणे पिता सौगी आ कने तुहें मेरे सौगी ये कने हऊँ तुहां सौगी आ; कने तिस जे मिन्जो प्यार करना पिता बी तिस्सो प्यार करना।

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 14:9

यीशुये तिस्सो गलाया, “फिलिप्पुस, क्या हऊँ तुहांजो सौगी लम्बे वगता तक नीं रया, कने तुहें मेरे बारे च हुण मनी जाणदे? तिने जे मिन्जो देखील्या तिने पिता जो देखील्या। तुहें काँह बोलां ये, भई ‘अहांजो पिता जो दस?’

यूहन्ना 15:4

मेरे सौगी जुड़ीरे रौआ कने मांह तुहां सौगी रैहणा। जिस तरीके ने इक डाल़ी फल़ नीं देई सकदी, तदुआं तक जे सै बेली ने जुड़ी नीं जान्दी, इयां इ जे तुहें मांह च नींये, तां किछ अच्छा नीं करी सकदे।

यूहन्ना 17:14

मैं तेरा सन्देश तिन्हांजो दस्या, पर संसारा रे लोकें तिन्हांते नफरत कित्ती, काँह्भई सै संसारा रे नींये, तियां जे हऊँ संसारा रा निआं।

यूहन्ना 17:25

“हे धर्मी पिता, संसारा रे लोकें तिज्जो नीं जाणया, पर हऊँ तिज्जो जाणाँ, कने ये चेले बी जाणाँ ये भई तैं मिन्जो भेज्जिरा;

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

यूहन्ना 20:28

थोमे जबाब दित्या, “मेरे प्रभु, हे मेरे परमेशरा!”

यूहन्ना 8:42

यीशुये तिन्हाजो जबाब दित्या, “जे परमेशर तुहांरा पिता हुन्दा, तां तुहें मेरने प्यार रखदे; काँह्भई हऊँ तुहांले परमेशरा रिया तरफा ते आईरा; हऊँ येत्थी अपणिया मर्जिया ने नीं आईरा, पर तिने मिन्जो भेज्जिरा।

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

रोमियो 9:5

अब्राहम, इसहाक कने याकूब तिन्हांरे पूर्वज ये, कने सै जे यीशु मसीह रे बी पूर्वज थे, सै जे परमेशर आ कने सै जे सब्बीं रे ऊपर राज कराँ, तिसरी हमेशा प्रशंसा ओ! आमीन।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

इफिसियां 3:18

ताकि तुहांजो सारयां पवित्र लोकां रे सौगी ये समझणे री शक्ति मिली जाओ भई मसीह रे प्यारा री लम्वाई, कने चौड़ाई, कने उंचाई, कने गहराई कितणी।

फिलिप्पियां 3:9

कने हऊँ तिस सौगी पूरी तरह ते इक हुई सक्कूं; कने ये इस खातर नींआ भई मैं व्यवस्था रा पालन कित्या तां परमेशर मेरे धर्मी हुणे री घोषणा कराँ, पर ये मसीह च विश्वास करने रिया वजह ते आ, कने सिर्फ मेरे मसीह च विश्वास करने रिया वजह नेई परमेशरे ये घोषणा कित्ती भई हऊँ धर्मी आ।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

इब्रानियों 1:8

पर परमेशर पुत्रा रे बारे च बोलां, “परमेशर, तेरा संघासण युगां-युगां तकौ रैहणा: कने तुहां न्याय ने राज करना।

1 यूहन्ना 2:23

सै जे कोई पुत्रा रा इन्कार कराँ तिसरा पिता परमेशरा ने कोई सम्बन्ध निआं, पर सै जे पुत्रा जो मन्नी लेआं, तिसरा पिता परमेशरा ने बी सम्बन्ध हाया।

1 यूहन्ना 2:24

जो किछ जे अहें यीशुये रे बारे च तुहांजो सखाईरा तिस पर भरोसा बणाईने रखा। सै जे तुहें शुरु ते सुणीरा, तिस पर तुहें विश्वास बणाईने रखा, तां तुहां बी पुत्रा च, कने पिता परमेशरा च बणी रयां रैहणा।

1 यूहन्ना 2:6

सै जे कोई ये बोलां भई मेरा तिसने सम्बन्ध आ, तिस्सो परमेशरा रे हुक्मा रा पालन तियां इ करना चाहिन्दा, तियां जे यीशु मसीह कित्या।

1 यूहन्ना 4:14

कने अहें पुत्रा जो देखीरा कने तिसरी गवाही दें भई पिता परमेशरे अपणे पुत्रा जो संसारा रे लोकां जो छुटकारा देणे रे खातर भेज्या।

1 यूहन्ना 4:16

अहें ये जाणाँ ये भई परमेशर अहांने प्यार कराँ, कने अहें इस खातर तिस पर विश्वास कराँ ये ताकि परमेशर हमेशा अहांजो प्यार करो। परमेशर प्यार आ कने सै जे प्यारा च बणीने रैयां, सै परमेशरा च बणीरा रैयां, कने परमेशर तिसच बणीने रैयां।

1 यूहन्ना 4:2

परमेशरा रे आत्मे जो तुहें इयां पछयाणी सक्कां ये: भई सै जे कोई आत्मा मन्नी लेईं भई यीशु मसीह माहणुये रे रुपा च धरतिया पर आया, सै परमेशरा रिया तरफा ते आ।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

1 यूहन्ना 5:15

कने ताहली जे अहें जाणाँ ये भई चाये अहें तिसते किछ बी मंग्गो, सै अहांरी सुणां, तां अहें ये बी जाणाँ ये, भई सै किछ जे अहें तिसते मंगीरा, सै अहें पाईरा।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

1 यूहन्ना 5:5

सै जे ये विश्वास कराँ भई यीशु इ परमेशरा रा पुत्र आ, सिर्फ सैई संसारा पर जीत पां।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 19:11

फेरी मैं स्वर्गा जो खुल्हीरा देख्या, कने तित्थी मेरे सामणे इक चिट्टा घोड़ा था; तिस पर इक स्वार आ, सै जे बफादार आ कने सच्चा कहलाया जां; कने सै धार्मिकता ने न्याय कने लड़ाई कराँ।

प्रकाशितवाक्य 3:14

तिने बी मिन्जो बोल्या, “लौदीकिया नगरा रिया कलीसिया रे दूता जो ये सन्देश लिख: हऊँ इ आमीन कने बफादार कने सच्चा गवाह, कने परमेशरा रिया सृष्टिया री मूल वजह इ, हऊँ ये बोलां:

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां:

प्रकाशितवाक्य 6:10

तिन्हें ऊच्चिया अवाज़ा च हाक पाईने बोल्या, “हे सब्बीं ते महान प्रभु, पवित्र कने सच्चे; तू कदुआं तक इन्साफ नीं करगा? कने धरतिया च रैहणे औल़े लोकां ते अहां रिया मौती रा बदला कदुआं तका नीं लेंगा?”