1 यूहन्ना 5:18 - बिलासपुरी नौआं नियम

¹⁸ अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

1 यूहन्ना 5:18 ပူးပေါင်းရင်းမြစ်များ

मत्ती 5:37

पर तुहांरी गल्ल हाँ री हाँ, या नां री नां ओ; काँह्भई जो किछ इसते जादा हुआं सै शैतान यनि बुराईया ने हुआं।”

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

यूहन्ना 1:13

तिसरे अन्दर नांत खानदानी खून था, नां तिसरे जमणे च माता-पिता री कोई योजना थी, कने नांई मर्दा री कोई इच्छा थी, पर परमेशरा री इच्छा थी।

यूहन्ना 14:30

कने जादा हऊँ तुहांजो ये गल्लां नीं करी सकदा काँह्भई इस संसारा पर राज करने औणे औल़ा शैतान; माह पर तिसरा कोई अधिकार नींआ।

यूहन्ना 15:4

मेरे सौगी जुड़ीरे रौआ कने मांह तुहां सौगी रैहणा। जिस तरीके ने इक डाल़ी फल़ नीं देई सकदी, तदुआं तक जे सै बेली ने जुड़ी नीं जान्दी, इयां इ जे तुहें मांह च नींये, तां किछ अच्छा नीं करी सकदे।

यूहन्ना 15:7

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

यूहन्ना 15:9

तियां जे मेरे पिता परमेशरे मेरने प्यार कित्या, तियां इ मैं बी तुहांजो प्यार कित्या। मेरे प्यारा च बणीरे रौआ।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

याकूब 1:27

अहांरे परमेशर कने पिता रे सामणे सच्ची कने शुद्ध भगती सैई तिसच जे अनाथां कने विधवां री तिन्हांरे दुख तकलीफां च मदद करो, कने खुद अप्पूँजो कोई संसारिक कलंक नीं लगणे दित्या हो।

1 पतरस 1:23

काँह्भई तुहें परमेशरा ते नया जीवन पाईरा। तुहें ये जीवन येढ़ियां चीजां ते नीं पाईरा सै जे नाश हुई जाणा, पर येढ़ियां चीजां ते पाईरा सै जे सदा रे खातर हूणा यनि परमेशरा रा जीवित कने अनन्तकाल रे वचना ते।

1 यूहन्ना 2:29

जे तुहें जाणाँ ये, भई मसीह धर्मी आ, तां ये बी जाणदे हुणे भई सै जे धर्मा रा काम्म कराँ ये, सै परमेशरा रे बच्चे।

1 यूहन्ना 3:12

कने आदम रे पुत्र कैना साई नीं बणा, सै जे शैतान्ना ते था, कने तिने जे अपणे भाईये री हत्या कित्ती; कने तिने अपणे भाईये जो किसा वजह ने मारया? तिसरी ये वजह थी भई तिसरे काम्म बुरे थे, कने तिसरे भाईये रे काम्म भलाईया रे थे।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।

1 यूहन्ना 3:9

सै जे कोई परमेशरा रा बच्चा, सै पाप नीं करदा; काँह्भई परमेशरा रा स्वाभाव तिसच बणीरा रैयां: इस खातर सै पाप करी नीं सकदा, काँह्भई सै परमेशरा रा बच्चा।

1 यूहन्ना 4:6

अहें परमेशरा रे लोक ये, इस खातर सै जे परमेशरा जो जाणाँ, सै अहांरी सुणां; कने सै जे परमेशरा जो नीं जाणदा सै अहांरी नीं सुणदा; इयां अहें सच्चे आत्मे च, कने भटकाणे औल़े आत्मे च फर्क देखीने पछयाणी लैं।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

1 यूहन्ना 5:15

कने ताहली जे अहें जाणाँ ये भई चाये अहें तिसते किछ बी मंग्गो, सै अहांरी सुणां, तां अहें ये बी जाणाँ ये, भई सै किछ जे अहें तिसते मंगीरा, सै अहें पाईरा।

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

1 यूहन्ना 5:21

मेरे बच्चो, येढ़ी हर इक चीजा ते दूर रौआ सै जे तुहांरे दिलां च परमेशरा री जगह लेई लैंई।

1 यूहन्ना 5:4

काँह्भई परमेशरा रा हरेक बच्चा संसारा पर जय पाई लेआं, कने सै विजय तिसते जे संसारा पर जीत मिलां इ, सै अहांरा विश्वास आ।

यहूदा 1:21

तुहांजो ये जाणदे हुये लगातार जीणा चाहिन्दा भई परमेशर तुहांजो प्यार कराँ। अहांरा प्रभु यीशु मसीह तुहांजो अनन्त जीवन देणे तक तुहें उम्मीदा सौगी इन्तजार करा। तिस ये करना काँह्भई सै तुहांजो प्यार कराँ।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।