1 यूहन्ना 5:1 - बिलासपुरी नौआं नियम

¹ सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

1 यूहन्ना 5:1 ပူးပေါင်းရင်းမြစ်များ

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

लूका 7:5

काँह्भई सै माहणु अहांरे लोकां ने प्रेम भाव रखां, कने तिने इ अहांरे खातर यहूदी सभा घर बणाईरा।”

यूहन्ना 1:3

दुनियां री हर इक चीज़ परमेशरे तिसरे जरिये बणाई, कने येढ़ि कोई चीज नीं सै जे परमेशरे तिसते बगैर बणाई।

यूहन्ना 15:23

सै जे मेरने बैर रखां, सै पिता ने बी बैर रखां।

यूहन्ना 3:3

यीशुये तिसजो जबाब दित्या, हऊँ तुहांजो सच्च बोलां, भई कोई बी परमेशरा रे राज्जा जो देक्खी नीं सकदा, तदुआं तक जे सै दोबारा जन्म नीं लौ।

यूहन्ना 6:69

कने अहें तूह पर विश्वास कित्या कने ये जाणीगे भई परमेशरा रा पवित्र पुत्र तूई हाया।”

यूहन्ना 8:42

यीशुये तिन्हाजो जबाब दित्या, “जे परमेशर तुहांरा पिता हुन्दा, तां तुहें मेरने प्यार रखदे; काँह्भई हऊँ तुहांले परमेशरा रिया तरफा ते आईरा; हऊँ येत्थी अपणिया मर्जिया ने नीं आईरा, पर तिने मिन्जो भेज्जिरा।

प्रेरितां 8:36

रस्ते च चलदे-चलदे सै इक्की पाणिये रिया जगह पुज्जीगे। तां खोज्जे गलाया, “देख येत्थी पाणी आ, हुण मिन्जो बपतिस्मा लेणे च क्या रोक इ।”

प्रेरितां 8:37

फिलिप्पुसे गलाया, “जे तू सारे मना ते विश्वास करो तां बपतिस्मा लई सक्कां।” तिने जवाब दित्या “हऊँ विश्वास करां भई यीशु मसीह ही परमेशरा रा पुत्र आ।”

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

1 यूहन्ना 2:10

सै जे कोई अपणे साथी विश्वासिये ने प्यार रखां, सै परमेशरा रिया ज्योतिया रे मुतावक जी राँ। कने सै किसी होरी रे खातर पापां री वजह नीं बणदा।

1 यूहन्ना 2:29

जे तुहें जाणाँ ये, भई मसीह धर्मी आ, तां ये बी जाणदे हुणे भई सै जे धर्मा रा काम्म कराँ ये, सै परमेशरा रे बच्चे।

1 यूहन्ना 3:14

अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।

1 यूहन्ना 3:17

पर जिस किसी ले संसारिक धन-दौलत हो कने सै अपणे साथी विश्वासिये जो जरूरत मन्द देखीने तिस पर तरस नीं खाओ, तां तिसच परमेशरा रा प्यार कियां बणीने रैई सक्कां?

1 यूहन्ना 3:9

सै जे कोई परमेशरा रा बच्चा, सै पाप नीं करदा; काँह्भई परमेशरा रा स्वाभाव तिसच बणीरा रैयां: इस खातर सै पाप करी नीं सकदा, काँह्भई सै परमेशरा रा बच्चा।

1 यूहन्ना 4:2

परमेशरा रे आत्मे जो तुहें इयां पछयाणी सक्कां ये: भई सै जे कोई आत्मा मन्नी लेईं भई यीशु मसीह माहणुये रे रुपा च धरतिया पर आया, सै परमेशरा रिया तरफा ते आ।

1 यूहन्ना 4:20

जे कोई बोल्ले, भई “हऊँ परमेशरा ने प्यार रक्खां,” पर अपणे साथी विश्वासिये ने दुश्मणी रखी, तां सै झूट्ठा, काँह्भई अपणे तिस साथी विश्वासिये जो, तिस्सो जे तिने देखीरा, ताहली जे सै प्यार नीं रखदा, तां परमेशरा जो बी तिसजो जे तिने नीं देखीरा, प्यार नीं करी सकदा।

1 यूहन्ना 4:7

प्यारे मित्रो, अहांजो इक्की दूये ने प्यार रखणा चाहिन्दा; काँह्भई प्यार परमेशरा ते मिलां कने सै जे कोई दुज्यां ने प्यार कराँ, सै परमेशरा रा बच्चा, कने सै परमेशरा जो जाणाँ।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

1 यूहन्ना 5:4

काँह्भई परमेशरा रा हरेक बच्चा संसारा पर जय पाई लेआं, कने सै विजय तिसते जे संसारा पर जीत मिलां इ, सै अहांरा विश्वास आ।

1 यूहन्ना 5:5

सै जे ये विश्वास कराँ भई यीशु इ परमेशरा रा पुत्र आ, सिर्फ सैई संसारा पर जीत पां।