1 यूहन्ना 4:11 - बिलासपुरी नौआं नियम

¹¹ प्यारे मित्रो, जे परमेशरे अहांने येढ़ा प्यार कित्या, तां अहांजो बी अप्पूँ चियें प्यार रखणा चाहिन्दा।

1 यूहन्ना 4:11 ပူးပေါင်းရင်းမြစ်များ

लूका 10:37

तिने माहणुये जवाब दित्या, “सै माहणु तिने जे तिस पर दया किति, सैई तिसरा पड़ेसी हुआ।” यीशुये तिसने गलाया, “हाँ, तैं ठीक पछयाणया। हुण जा, कने तू बी येढ़ा इ कर।”

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

इफिसियां 4:31

हर तरिके री कड़वाहट, झुँझलाहट, गुस्सा, चिखणा-चिल्लाणा, निंध्या कने हरेक बुराईया जो तुहें अपणे अन्दरा ते दूर करा।

कुलुस्सियां 3:13

तुहांजो अप्पूँ चियें ताहली जे कदीं कोई शकैत ओ, तां इक्की दूये री सैहण करी लो कने इक्की दूये रे अपराध माफ करा, तियां जे परमेशरे तुहांरे अपराध माफ कित्ते, तियां इ तुहें बी माफ करा।

1 यूहन्ना 2:7

प्यारे मित्रो, हऊँ तुहां लोकां जो इक्की दुज्जे ने प्यार रखणे खातर लिखिराँ, ये कोई नया हुक्म नीं बल्कि ये पुराणा हुक्म आ, सै जे तुहांजो शुरु तेई दित्तिरा था; ये पुराणा हुक्म सै वचन आ, तिसजो जे तुहें सुणीरा ताहली जे तुहें यीशुये पर विश्वास कित्या।

1 यूहन्ना 3:11

सै खुशखबरी जे तुहें शुरु ते सुणी, सै येई भई अहें इक-दूये ने प्यार रखिये।

1 यूहन्ना 3:23

कने तिसरा हुक्म येआ: भई अहें तिसरे पुत्र यीशु मसीह रे नौआं पर विश्वास करिये कने तियां जे तिने अहांजो हुक्म दित्या तिसरे मुतावक अहें इक दुज्जे ने प्यार रखिये।

1 यूहन्ना 4:7

प्यारे मित्रो, अहांजो इक्की दूये ने प्यार रखणा चाहिन्दा; काँह्भई प्यार परमेशरा ते मिलां कने सै जे कोई दुज्यां ने प्यार कराँ, सै परमेशरा रा बच्चा, कने सै परमेशरा जो जाणाँ।

2 यूहन्ना 1:5

कने हुण, प्यारी बैहण, हऊँ तेरने विनती कराँ भई अहांजो इक्की दूये ने प्रेम करना चाहिन्दा। ये कोई नया हुक्म नींआ, पर ये सैई हुक्म आ तिस्सो जे अहें मसीह रे पिछे चलने रे वगता ते जाणाँ ये।