1 यूहन्ना 4:10 - बिलासपुरी नौआं नियम

¹⁰ सच्चा प्यार इसच निआं भई अहें परमेशरा ने प्यार कित्या, बल्कि इसच आ भई तिने अहांने प्यार कित्या कने अहांरे पापां रे प्रायश्चिता खातर अपणे पुत्रा जो भेज्या।

1 यूहन्ना 4:10 ပူးပေါင်းရင်းမြစ်များ

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

यूहन्ना 6:51

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

1 पतरस 2:24

सै खुद अहांरे पापां जो अपणे शरीरा पर लेईने क्रूसा पर चढ़ीग्या, ताकि अहें पापां रे खातर मरी सक्को कने धार्मिकता रे खातर जी सक्को; तिसरे जख्मां रे जरिये तुहें चंगे हुईरे।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

1 यूहन्ना 2:2

कने सैई अहांरे पापां रे प्रायश्चिता खातर इक बलिदान बणया, कने न सिर्फ अहांरे पापां रा बल्कि सारे संसारा रे पापां रा बी।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

1 यूहन्ना 4:19

अहें इस खातर परमेशरा जो कने इक्की दूये जो प्यार कराँ ये काँह्भई पैहले परमेशरे अहांने प्यार कित्या।

1 यूहन्ना 5:11

कने सै गवाही येई भई परमेशरे अहांजो अपणे पुत्रा रे जरिये अनन्त जीवन दित्या।