1 यूहन्ना 3:7 - बिलासपुरी नौआं नियम

⁷ प्यारे बच्चो, किसी रे भरमाणे च नीं आयों; सै जे धर्मा रे काम्म कराँ, सैई धर्मी आ, ठीक तियां इ तियां जे मसीह धर्मी आ।

1 यूहन्ना 3:7 ပူးပေါင်းရင်းမြစ်များ

मत्ती 5:20

काँह्भई हऊँ तुहांजो बोलां, भई तुहें शास्त्रियां कने फरीसियां रे धर्मा रे आचरणा ते बधीने व्यवहार करो, तां तुहांरा स्वर्गा रे राज्जा च दाखल हूणा सान आ।”

लूका 1:75

तिसरे सामणे पवित्रता कने प्रभुरी इच्छा रे मुतावक जिन्दगी भर तिसरी सेवा करदे रैईये।

प्रेरितां 10:35

पर हर जातिया चते सै जे परमेशरा ते डराँ ये कने धर्मा रे काम्म कराँ ये, तिन्हांजो परमेशर ग्रहण कराँ।

रोमियो 2:13

काँह्भई सै लोक जे मूसा रिया व्यवस्था जो कथा साई सुणां यें, सै परमेशरा रिया नजरा च धर्मी नींये, पर सै जे व्यवस्था रा पालन कराँ ये सै परमेशरा रिया नज़राँ च धर्मी समझे जाणे।

1 कुरिन्थियों 6:9

क्या तुहें नीं जाणदे भई अन्यायी लोक परमेशरा रे राज्जा रे वारस नीं हुणे? खुद अप्पूँजो धोखा नीं देआ, नां वैश्यगामी, नां मूर्तीपूजक, नां पराई जनाना ने गल़त करना, नां लुच्चे, नां पुरुषगामी,

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

इफिसियां 5:9

काँह्भई ज्योति हर किस्मा री भलाई, धार्मिकता कने सच्चाई पैदा कराँ इ।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

इब्रानियों 1:8

पर परमेशर पुत्रा रे बारे च बोलां, “परमेशर, तेरा संघासण युगां-युगां तकौ रैहणा: कने तुहां न्याय ने राज करना।

इब्रानियों 7:2

इस्सो इ अब्राहमे कव्जा कित्ती रियां सारियां चिज़ां रा दशमांश बी दित्या, मेलिकिसिदक रा मतलबा न्याय रा राजा, कने फेरी शालेम रा राजा यनि शान्तिया रा राजा।

याकूब 1:22

पर परमेशरा रे वचना पर चलने औल़े बणा, नां भई सिर्फ तिस्सो सुणने औल़े, जे सिर्फ तुहें सुणने औल़े इ हाये, तां खुद अप्पूँजो धोखा देई कराँ ये।

याकूब 2:19

तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई।

1 पतरस 2:24

सै खुद अहांरे पापां जो अपणे शरीरा पर लेईने क्रूसा पर चढ़ीग्या, ताकि अहें पापां रे खातर मरी सक्को कने धार्मिकता रे खातर जी सक्को; तिसरे जख्मां रे जरिये तुहें चंगे हुईरे।

1 यूहन्ना 2:1

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।

1 यूहन्ना 2:26

हऊँ तुहांजो तिन्हां लोकां रे बारे च खबरदार करया राँ, सै जे तुहांजो झुट्ठिया शिक्षा ते भरमाणे रा जतन करी राँये।

1 यूहन्ना 2:29

जे तुहें जाणाँ ये, भई मसीह धर्मी आ, तां ये बी जाणदे हुणे भई सै जे धर्मा रा काम्म कराँ ये, सै परमेशरा रे बच्चे।

1 यूहन्ना 3:18

मेरे प्यारे बच्चो, अहांरा प्यार सिर्फ मुँआं ते गलाई रियां गल्लां तक इ सीमित नीं रैहणा चाहिन्दा, पर कर्म करने औल़ा कने सच्चा हूणा चाहिन्दा।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।

1 यूहन्ना 4:17

इसते प्यार अहां च सिद्ध हुया, ताकि न्याय रे दिन अहां नीं डरना भई परमेशरा अहांजो सजा देणी। तेढ़ा जे सै आ, तियां इ संसारा च अहें बी ये।