1 यूहन्ना 3:2 - बिलासपुरी नौआं नियम

² मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

1 यूहन्ना 3:2 ပူးပေါင်းရင်းမြစ်များ

मत्ती 5:8

परमेशर तिन्हां लोकां जो आशीष देआं, तिन्हारे जे मन साफ ये, काँह्भई तिन्हां परमेशरा रा दर्शण पाणा।

लूका 17:30

तियां इ तिस बगत जे माहणुये रे पुत्रा यनि मांह वापस औणा, तिस वगत बी इयां इ हूणा कने लोकां जो अपणे कम्मां ते बेहल नीं हूणी।”

लूका 20:36

कने तिन्हां फेरी कदीं नीं मरना, काँह्भई येढ़िया हालता च सै स्वर्गदूतां रे बराबर हुणे, कने नौंये जीवना च भीं ते जिऊंदा किति रे परमेशरा रे पुत्र हुणे।

यूहन्ना 1:12

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

यूहन्ना 11:52

कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

रोमियो 8:16

पवित्र आत्मा कने अहांरा आत्मा दोन्नों बोलां ये भई अहें परमेशरा रे बच्चे;

रोमियो 8:18

मिन्जो ये यकीन आ भई सै महिमा जे अहां पर परगट हुणे औल़ी तिसारे सामणे अहांरे ये दुख सै जे अहें हुण सही राँये किछ बी नींये।

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

रोमियो 8:29

काँह्भई तिन्हांजो जे तिने पैहले ते चुणीरा कने तैह कित्या भई सै तिसरे पुत्रा साई बणी जाओ ताकि तिसरा पुत्र कई भाईयां च पैहला हूणा।

1 कुरिन्थियों 13:12

हुण अहांजो शीशे च धुंधला जेआ दिखां, पर तिस बगत अहां आमणे-सामणे देखणा; इस बगत मेरा ज्ञान अधूरा, पर तिस बगत पूरी तरह पछयाणगा, तियां जे परमेशर मिन्जो पूरी तरह जाणाँ।

1 कुरिन्थियों 15:49

कने तियां जे अहें तिसरा रुप धारण कित्या सै जे धरतिया रा था, तियां इ अहां तिसरा रुप धारण करना सै जे स्वर्गा तेआ।

1 कुरिन्थियों 2:9

पर तियां जे पवित्रशास्त्रा च लिखिरा, “सै गल्लां जे किन्हिये नीं देखियां कने किन्हिये नीं सुणियां, कने सै जे अदभुत गल्लां किसी माहणुये नीं समझियां, तिन्हौं परमेशरे अपणे प्यार रखणे औल़यां रे खातर त्यार कित्तिरा।”

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

फिलिप्पियां 3:21

अपणी तिसा सामर्था रे जरिये तिसाते जे सारियां चिज़ां जो सै अपणे बशा च करी लेआं, अहांरे कमजोर शरीरा जो बदली देणा ताकि सै तिसरे प्रतापी शरीरा साई हूणा।

कुलुस्सियां 3:4

ताहली जे मसीह सै जे अहांरा जीवन आ, भीं ते परगट हूणा, तां तुहें बी तिस सौगी तिसरिया महिमा समेत परगट कित्ते जाणे।

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

2 पतरस 1:4

इन्हां सब्बीं रे जरिये परमेशरे अहांजो बौहत महान कने बौहत कीमती बरदान दित्ते, तिन्हांजो देणे रा जे तिने वायदा कित्या था, ताकि इन्हां बरदान्नां रे जरिये तुहें संसारा रियां बुरियां इच्छां ते बची सक्को सै जे लोकां जो नाश कराँ इयां कने तुहें परमेशरा रे अपणे स्वभावा च शामिल हुणे खातर आई सक्को।

1 यूहन्ना 2:28

इस खातर प्यारे बच्चो, मसीह च बणीरे रौआ, भई ताहली जे सै वापस आओ, तां अहांरा आत्म-विश्वास बणीरा रौ, कने अहांजो तिसरे औणे रे बगत शर्मिन्दा नीं हुणे पौ।

1 यूहन्ना 2:7

प्यारे मित्रो, हऊँ तुहां लोकां जो इक्की दुज्जे ने प्यार रखणे खातर लिखिराँ, ये कोई नया हुक्म नीं बल्कि ये पुराणा हुक्म आ, सै जे तुहांजो शुरु तेई दित्तिरा था; ये पुराणा हुक्म सै वचन आ, तिसजो जे तुहें सुणीरा ताहली जे तुहें यीशुये पर विश्वास कित्या।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

1 यूहन्ना 3:10

इसते अहें जाणाँ ये भई कुण परमेशरा री सन्तान इ कने कुण शैतान्ना री सन्तान इ; सै माहणु जे धर्मा रे काम्म नीं करदा सै परमेशरा रा निआं, कने नांई सै अपणे साथी विश्वासिये ने कोई प्यार रखदा।

1 यूहन्ना 3:21

प्यारे बच्चो, जे अहांरा मन अहांजो दोष नीं देओ, तां अहें परमेशरा रे सामणे आत्म विश्वासा ने आई सक्कां ये।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

प्रकाशितवाक्य 2:28

कने मांह तिस्सो तिसरी विजय दसणे खातर सबेरके जुन्ना रा तारा देणा।

प्रकाशितवाक्य 22:4

तिन्हां तिसरा मुँह देखणा, कने तिसरा नौं तिन्हांरे मत्थे पर लिखिरा हूणा।