1 यूहन्ना 3:19 - बिलासपुरी नौआं नियम

¹⁹ ताहली जे अहें दुज्यां ने प्रेम कराँ ये तां अहां जाणना भई अहें सच्चाईया री सन्तान ये; कने तिसा गल्ला खातर जे अहांरा मन अहांजो दोष देंगा, तिस बारे च अहें परमेशरा रे सामणे अपणे दिलां जो हौंसला देई सकगे;

1 यूहन्ना 3:19 ပူးပေါင်းရင်းမြစ်များ

यूहन्ना 13:35

जे तुहें इक्की दुज्जे ने प्यार कराँ यें, इसते इ सब्बीं जो ये पता लगी जाणा भई तुहें मेरे चेले।”

यूहन्ना 18:37

पिलातुसे तिस्सो गलाया, तां क्या तू राजा? यीशुये जबाब दित्या, “तू बोलां भई हऊँ राजा। हऊँ इस खातर पैदा हुईने संसारा च आया भई सच्चाईया रे बारे च सखाई सक्कूँ। सै माहणु जे सच्चाईया ने प्यार रक्खां ये सै मेरा बचन सुणां ये।”

रोमियो 4:21

तिस्सो पूरा विश्वास था भई परमेशरे सै वायदा जे तिसने कित्या था, तिस्सो पूरा करने च सै पूरी तरह सामर्थी आ।

रोमियो 8:38

काँह्भई हऊँ निश्चित आ भई परमेशरा रा प्यार सै जे अहांरे प्रभु यीशु मसीह चे तिसते किछ बी अहांजो लग नीं करी सकदा; इसते कोई फर्क नीं पौन्दा भई अहें मरी जायें या जिऊंदा रैं; स्वर्गदूत, राजा, उपरा रियां या थल्ले रियां शक्तियां अहांजो परमेशरा रे प्यारा ते लग करने च सामर्थी नींआ, हुण क्या हुया राँ कने भविष्य च क्या हूणा कने नां कोई सृष्टि अहांजो तिसरे प्यारा ते लग करी पांगे।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

1 यूहन्ना 1:8

जे अहें येढ़ा बोलिये भई अहें कोई पाप नीं कित्या, तां अहें खुद अप्पूँजो धोखा दें, कने अहें विश्वास नीं करदे भई तिने जो किछ बोल्या सै सच्च आ।

1 यूहन्ना 2:21

मैं तुहांजो इस खातर नीं लिखया, भई तुहें सच्चाईया जो नीं जाणदे, पर इस खातर भई तुहें सच्चाईया जो जाणाँ ये, भई कोई झूट्ठ सच्चाईया रिया तरफा ते नीं औंदा।

1 यूहन्ना 3:14

अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।

1 यूहन्ना 3:20

काँह्भई परमेशर अहांरे मना ते बड्डा, कने सै सब किछ जाणाँ।

1 यूहन्ना 3:21

प्यारे बच्चो, जे अहांरा मन अहांजो दोष नीं देओ, तां अहें परमेशरा रे सामणे आत्म विश्वासा ने आई सक्कां ये।