1 यूहन्ना 3:17 - बिलासपुरी नौआं नियम

¹⁷ पर जिस किसी ले संसारिक धन-दौलत हो कने सै अपणे साथी विश्वासिये जो जरूरत मन्द देखीने तिस पर तरस नीं खाओ, तां तिसच परमेशरा रा प्यार कियां बणीने रैई सक्कां?

1 यूहन्ना 3:17 ပူးပေါင်းရင်းမြစ်များ

लूका 3:11

यूहन्ने तिन्हाजो जवाब दित्या, “जे तुहांले दो कुरते ओ, तां तिन्हां चते इक कुरता तिसले जे निआं तिस ज़रुरतमन्द माहणुये जो देई दो, कने जे तुहांले रोटी ओ, तां तिसाजो तिन्हां सौगी बन्डी लो सै जे भुक्खे ओ।”

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

इब्रानियों 13:16

भलाई करना कने इक्की दूये री मदद करना नीं भूल्लो, काँह्भई परमेशर येढ़े बलिदान्नां ते खुश हुआं।

याकूब 2:15

मन्नी लो भई किसी साथी विश्वासिये जो कपड़यां री कने रोज किया रोटिया री किल्लत हो,

याकूब 2:16

कने तुहें तिन्हांने बोल्ला ये, भई “गर्म रौआ कने तृप्त रौआ, जावा परमेशर तुहांजो आशीष देओ, पर तिन्हांजो रोटी कने कपड़े नीं देओ, तां इसरा क्या फायदा?”

1 यूहन्ना 4:20

जे कोई बोल्ले, भई “हऊँ परमेशरा ने प्यार रक्खां,” पर अपणे साथी विश्वासिये ने दुश्मणी रखी, तां सै झूट्ठा, काँह्भई अपणे तिस साथी विश्वासिये जो, तिस्सो जे तिने देखीरा, ताहली जे सै प्यार नीं रखदा, तां परमेशरा जो बी तिसजो जे तिने नीं देखीरा, प्यार नीं करी सकदा।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।