1 यूहन्ना 3:15 - बिलासपुरी नौआं नियम

¹⁵ सै कोई जे अपणे साथी विश्वासिये ने दुश्मणी रखां, सै हत्यारा हुया; कने तुहें त जाणाँ ये, भई किसी हत्यारे च अनन्त जीवन नीं रैहन्दा।

1 यूहन्ना 3:15 ပူးပေါင်းရင်းမြစ်များ

मत्ती 5:28

पर हऊँ तुहांजो बोलां, भई जे कोई माह्णु किसी जनाना जो बासना रिया बुरी नजरा ने देक्खां, तां परमेशरा रिया नजरा च सै तिसाने पाप करी चुक्कया।

मरकुस 6:19

इस खातर हेरोदियास यूहन्ने ने बैर रखां थी कने तिस्सो मरवाई देणे चाँह थी; पर येढ़ा नीं हुई सक्कया,

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

प्रेरितां 23:12

ताहली जे दिन हुआ तां यहूदियां रे किछ लोकें चाल खेल्ही कने कसम खाद्दि भई तदुआं तका जे पौलुसा जो मारी नीं देंगे, जे अहें खांगे या पींगे तां अहां पर लाणत इ।

प्रेरितां 23:14

तिन्हें मुखियायाजकां कने बजुर्ग नेतयां ले आईने बोल्या, “अहें ये कसम खाद्दीरी भई तदुआं तका जे अहें पौलुसा जो मारी नीं देंगे, तदुआं तक जे अहें किछ बी खांये तां अहां पर लाणत इ।

याकूब 1:15

फेरी बुरियां इच्छां गर्भवति हुईने पापा जो पैदा कराँ इ कने ताहली जे पाप बडा हुई जां, तां सै मौती जो जन्म देआं।

1 पतरस 1:23

काँह्भई तुहें परमेशरा ते नया जीवन पाईरा। तुहें ये जीवन येढ़ियां चीजां ते नीं पाईरा सै जे नाश हुई जाणा, पर येढ़ियां चीजां ते पाईरा सै जे सदा रे खातर हूणा यनि परमेशरा रा जीवित कने अनन्तकाल रे वचना ते।

1 यूहन्ना 2:11

पर सै जे कोई अपणे साथी विश्वासिये ने बैर रखां, सै बुराईया रे अन्धेरे च जी राँ। सै सही कने गल़त नीं जाणीने सारा किछ कराँ, इस खातर सै क्या करी राँये नीं जाणदा; काँह्भई बुराईये तिस्सो अन्धे माहणुये साई बणाई तरा।

1 यूहन्ना 2:9

सै जे कोई ये बोलां भई हऊँ जो किछ कराँ परमेशरा रिया जोतिया रे मुतावक कराँ, पर अपणे साथी विश्वासिये ने नफरत कराँ, तां सै हूणा तक बुराईया रे अन्धेरे ची जी कराँ।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”