1 यूहन्ना 3:14 - बिलासपुरी नौआं नियम

¹⁴ अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।

1 यूहन्ना 3:14 ပူးပေါင်းရင်းမြစ်များ

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

लूका 15:24

काँह्भई मिन्जो येढ़ा लगया भई मेरा ये मुण्डु मरीगरा था, पर ये जिऊंदा। ये गवाच्छी गरा था, पर हुण मिलीग्या। कने सै नन्द करने लगे।

लूका 15:32

अहां ये खुशिया रा दिन मनाणा। काँह्भई तेरे भाईये रा घरें वापस औणा जिऊंदा हुणे रे बराबर आ। सै गवाच्छी गरा था, कने हुण सै घरौ वापस आईग्या।’ ”

लूका 7:5

काँह्भई सै माहणु अहांरे लोकां ने प्रेम भाव रखां, कने तिने इ अहांरे खातर यहूदी सभा घर बणाईरा।”

यूहन्ना 13:35

जे तुहें इक्की दुज्जे ने प्यार कराँ यें, इसते इ सब्बीं जो ये पता लगी जाणा भई तुहें मेरे चेले।”

यूहन्ना 15:12

“मेरा हुक्म येआ भई तुहें अप्पूँ चियें प्यार रखा, इयां इ तियां जे मैं तुहांजो प्यार कित्या।

यूहन्ना 15:17

इन्हां गल्लां रा हुक्म हऊँ तुहांजो इस खातर दस्यारां भई तुहें इक्की दुजे ने प्यार रखा।

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

2 कुरिन्थियों 5:1

काँह्भई अहें जाणाँ ये भई धरतिया पर अहांरा ये शरीर तम्बुये साई आ तिसच जे अहें रैयां ये, जे ये तम्बू नष्ट हुई जांगा, तां अहांजो परमेशरा रिया तरफा ते स्वर्गा च हमेशा खातर इक बणया-बणाया घर मिलणा सै जे माहणुआं रे हत्था ते बणाया नीं गईरा।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

इफिसियां 1:15

इसा वजह ने, हऊँ बी तिस विश्वासा जो सै जे तुहां लोकां च प्रभु यीशुये पर आ कने सारे पवित्र लोकां रे प्रति तुहांरे प्यारा री खबर सुणीने,

इफिसियां 2:1

तुहें पैहले अपणयां अपराधां कने पापां रिया वजह ने आत्मिक रुपा च मरीगरे थे।

इफिसियां 2:5

ताहली जे अहें पापां रिया वजह ने आत्मिक रुपा च मूईरे थे, तां मसीह सौगी तिने अहांजो बी जिऊंदा कित्या (परमेशरा रे अनुग्रह तेई तुहांरा छुटकारा हुईरा।)

कुलुस्सियां 1:4

काँह्भई अहें मसीह यीशुये च तुहांरा विश्वास कने सारे पवित्र लोकां रे प्रति तुहांरे प्यारा रे बारे च सुणीरा;

1 थिस्सलुनीकियां 4:9

पर अहौं तुहांजो इक दूये विश्वासी भाईयां ने प्रेम करने रे महत्व रे बारे च लिखणे री जरूरत नीं, काँह्भई परमेशरे खुद इक दूये ने प्रेम करने रे खातर तुहांजो सखाईरा।

इब्रानियों 13:1

इक दूये जो भाई-भैणा साई प्यार करदे रौआ।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 3:8

आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।

2 पतरस 1:7

नांई तुहांजो इस तरिके ने जीणा चाहिन्दा सै जे परमेशरा जो खुश कराँ, बल्कि अपणे परिवारा रे सदस्या साई बी साथी विश्वासियां ने प्रेम करना चाहिन्दा, नांई तुहांजो अपणे परिवारा रे सदस्या साई इक्की दूये जो प्रेम करना चाहिन्दा, बल्कि तुहांजो सारयां लोकां जो प्रेम करना चाहिन्दा।

1 यूहन्ना 2:3

जे अहें परमेशरा रे हुक्मा रा पालन करगे, येई सै रस्ता तिसते जे अहांजो निश्चा भई अहांरा तिसने अच्छा सम्बन्ध आ।

1 यूहन्ना 3:23

कने तिसरा हुक्म येआ: भई अहें तिसरे पुत्र यीशु मसीह रे नौआं पर विश्वास करिये कने तियां जे तिने अहांजो हुक्म दित्या तिसरे मुतावक अहें इक दुज्जे ने प्यार रखिये।

1 यूहन्ना 4:12

परमेशरा जो किन्हिये कदीं नीं देख्या, पर जे अहें इक्की दूये ने प्यार रखिये, तां परमेशर अहां च बास कराँ कने तिसरा प्यार अहांरे अन्दर पूरा हुईग्या।

1 यूहन्ना 5:13

परमेशरा रे पुत्रा पर विश्वास रखणे औल़यो, ये गल्लां तुहांजो हऊँ इस खातर लिखिराँ तिसते जे तुहें ये जाणी लो, भई अनन्त जीवन तुहांरा।

1 यूहन्ना 5:2

ताहली जे अहें परमेशरा ने प्यार रक्खां ये, कने तिसरे हुक्मां रा पालन कराँ ये, तां अहें जाणी लें भई अहें परमेशरा रिया सन्तानां ने बी प्यार रक्खां ये।