1 यूहन्ना 3:12 - बिलासपुरी नौआं नियम

¹² कने आदम रे पुत्र कैना साई नीं बणा, सै जे शैतान्ना ते था, कने तिने जे अपणे भाईये री हत्या कित्ती; कने तिने अपणे भाईये जो किसा वजह ने मारया? तिसरी ये वजह थी भई तिसरे काम्म बुरे थे, कने तिसरे भाईये रे काम्म भलाईया रे थे।

1 यूहन्ना 3:12 ပူးပေါင်းရင်းမြစ်များ

मत्ती 13:19

लोक सै जे परमेशरा रे बारे च सुणां यें भई सै कियां लोकां रियां जिन्दगियां पर राज कराँ कने नीं समझदे भई जो किछ तिन्हें सुणया सै तिसा बाटा साई आ तित्थी जे सै किछ दाणे पैईरे, शैतान औआं कने जो किछ तिन्हें सुणीरा हुआं तिसजो भुलाई देआं।

मत्ती 13:38

कने खेत संसारा रे लोक ये, खरे ब्यू परमेशरा रे राज्जा रे लोक ये, कने जंगली ब्यू शैतान्ना रे लोक ये।

मत्ती 23:35

जिसते धर्मी हाबिल ते लेईने बरिक्याह रे पुत्रा जकर्याह तक, तिस्सो जे तुहें परमेशरा रे मन्दरा कने बेदिया रे बिच मारीत्या था, जितणयां धर्मी लोकां रा खून धरतिया पर बगाईरा, तिन्हां रिया हत्या रे दोषी तुहें हुणे।

मत्ती 27:23

पिलातुसे गलाया, “कां, तिने क्या अपराध कित्तिरा?” कने सै कने बी जोर-जोरा ने बोलणे लगे, “इसजो क्रूसा पर चढ़ाओ।”

मत्ती 5:37

पर तुहांरी गल्ल हाँ री हाँ, या नां री नां ओ; काँह्भई जो किछ इसते जादा हुआं सै शैतान यनि बुराईया ने हुआं।”

लूका 11:51

हाबिल रिया मौती ते लेईने जकर्याह री मौती तक, तिन्हारा खून जे परमेशरा जो अर्पण करने री बेदी कने परमेशरा रे मन्दरा रे बिच हुया, इन्हां सब्बीं रे खातर इसा पीढ़ियां रे लोकां जोई इसरा लेखा-जोखा देणे पौणा।

यूहन्ना 10:32

इस पर यीशुये तिन्हांजो गलाया, “मैं तुहांजो अपणे पिता रिया तरफा ते कई भले काम्म दस्से; तिन्हां चा ते किस कम्मां खातर तुहें माह पर पत्थर मारीराँ ये?”

यूहन्ना 8:40

पर इसरे बजाय हुण तुहें मिन्जो मारना चांये, काँह्भई मैं त तुहांजो सच्चाई दस्सी सै जे मैं परमेशरा ते सुणिरी; तुहां साई त अब्राहमे मनीं कित्या हुंणा।

यूहन्ना 8:41

नां, ताहली जे तुहें इस तरिके रा काम्म कराँ ये तां तुहें अपणे पिता रे हुक्मा रा पालन करी रांये सै जे परमेशर आ।” तिन्हे यीशुये जो जबाब दित्या, “अहें व्यभिचारा ते नीं जम्मीरे, अहांरा सिर्फ इक इ पिता सै जे परमेशर आ।”

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

1 थिस्सलुनीकियां 2:14

इस खातर तुहें, हे भाईयो, परमेशरा रे तिन्हां विश्वासियां री चाल चलने लगे सै जे यहूदिया प्रदेशा च मसीह यीशुये चे, काँह्भई तुहें बी अपणे लोकां ते तेढ़ा इ दुख पाया तेढ़ा जे तिन्हें यहूदियां ते पाया था,

इब्रानियों 11:4

विश्वासा तेई आदम रे बेटे हाबिले कैना ते उत्तम बलिदान परमेशरा खातर चढ़ाया, कने विश्वासा रेई जरिये हाबिल जो परमेशरे धर्मी माहणुये रे रुपा च ग्रहण कित्या, काँह्भई परमेशर तिसरियां भेन्टां ते खुश हुया था; कने हलाँकि हाबिल मरी चुक्कीरा फेरी भीं विश्वास केढ़ा हूणा चाहिन्दा सै इस बारे च अहांजो सखां।

इब्रानियों 12:24

तुहें यीशुये ले आई चुक्कीरे सै जे परमेशर कने लोकां रे बिच्चा रा नईया वाचा रा बिचौल़िया, कने छिड़कावा रे तिस लहूये रे नेड़े आईगरे सै जे हाबिल रे लहूये ते बड्डे वायदे कराँ।

1 पतरस 4:4

इस खातर तुहांरे मित्राँ जो इन्हां सारियां गल्लां च हैरानी हुआं इ ताहली जे तुहें येढ़यां बुरयां कम्मां च तिन्हांरा साथ नीं देन्दे, इस खातर हुण सै तुहांरी निन्दा कराँ ये।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

यहूदा 1:11

तिन्हां लोकां रे खातर ये कितना भयानक हूणा! काँह्भई तिन्हें कैना साई बुरा बर्ताव कित्या, कने सै बिलामा साई ये तिने जे पैसा पाणे खातर परमेशरा रे लोकां जो पाप करने खातर भड़काणे री कोशिश कित्ती थी। सै कोरह साई परमेशरा रे बिरोधा च बिद्रोह कराँ ये इस खातर तिन्हांरा नाश हूणा तैह आ।

प्रकाशितवाक्य 17:6

मैं तिसा औरता जो परमेशरा रे लोकां कने यीशुये रे गवाहां रा खून पीणे ते मतवाली हुईरी देख्या; कने ताहली जे मैं तिसाजो देख्या हऊँ हैरान हुईग्या।