1 यूहन्ना 3:1 - बिलासपुरी नौआं नियम

¹ बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।

1 यूहन्ना 3:1 ပူးပေါင်းရင်းမြစ်များ

लूका 20:36

कने तिन्हां फेरी कदीं नीं मरना, काँह्भई येढ़िया हालता च सै स्वर्गदूतां रे बराबर हुणे, कने नौंये जीवना च भीं ते जिऊंदा किति रे परमेशरा रे पुत्र हुणे।

यूहन्ना 1:12

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

यूहन्ना 11:52

कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

यूहन्ना 16:3

सै इन्हां गल्लां कने कम्मां जो इस खातर कराँ ये, काँह्भई सै नांत पिता परमेशरा जो जाणाँ ये कने नांई मिन्जो जाणाँ ये।

यूहन्ना 17:25

“हे धर्मी पिता, संसारा रे लोकें तिज्जो नीं जाणया, पर हऊँ तिज्जो जाणाँ, कने ये चेले बी जाणाँ ये भई तैं मिन्जो भेज्जिरा;

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

रोमियो 5:8

पर परमेशर अहां पर अपणे महान प्यारा जो इस तरिके ने परगट कराँ भई ताहली जे अहें पापी थे ताहली मसीह अहांरे खातर मरया।

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

रोमियो 8:21

पर आशा इ भई सृष्टिया बी नाश हुणे ते छुटकारा पाणा कने परमेशरा रे बच्चयां री महिमा रिया अजादिया च भागीदार हूणा।

रोमियो 8:32

परमेशरे अपणे पुत्रा जो बी नीं बचाया, पर तिस्सो अहां सारयां रे खातर अपणे दुश्मणा रे हवाले करित्या, तिस अहांजो अपणे पुत्रा सौगी सै सब किछ देणा तिस्सो देणे रा जे तिने अहांने वायदा कित्तिरा था।

2 कुरिन्थियों 6:18

कने हऊँ तुहांरा पिता हूणा, कने तुहें मेरे बेटे कने बेटियां हुणे। ये सर्वशक्तिमान परमेशरा रा वचन आ।”

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

गलातियां 3:29

कने काँह्भई तुहें मसीह रे, तां फेरी तुहें अब्राहम रे वंश ये, कने परमेशरे सै जे वायदा अब्राहमा ने कित्या था, तिस वायदे रे बारस बी ये।

कुलुस्सियां 3:3

काँह्भई तुहांरा बुरा स्वाभाव त मरी चुक्कीरे कने तुहांरा जीवन मसीह सौगी परमेशरा च छिपिरा।

1 यूहन्ना 3:10

इसते अहें जाणाँ ये भई कुण परमेशरा री सन्तान इ कने कुण शैतान्ना री सन्तान इ; सै माहणु जे धर्मा रे काम्म नीं करदा सै परमेशरा रा निआं, कने नांई सै अपणे साथी विश्वासिये ने कोई प्यार रखदा।

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

1 यूहन्ना 4:17

इसते प्यार अहां च सिद्ध हुया, ताकि न्याय रे दिन अहां नीं डरना भई परमेशरा अहांजो सजा देणी। तेढ़ा जे सै आ, तियां इ संसारा च अहें बी ये।

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।