1 यूहन्ना 2:7 - बिलासपुरी नौआं नियम

⁷ प्यारे मित्रो, हऊँ तुहां लोकां जो इक्की दुज्जे ने प्यार रखणे खातर लिखिराँ, ये कोई नया हुक्म नीं बल्कि ये पुराणा हुक्म आ, सै जे तुहांजो शुरु तेई दित्तिरा था; ये पुराणा हुक्म सै वचन आ, तिसजो जे तुहें सुणीरा ताहली जे तुहें यीशुये पर विश्वास कित्या।

1 यूहन्ना 2:7 ပူးပေါင်းရင်းမြစ်များ

मत्ती 5:43

“तुहें सुणी चुक्कीरे भई व्यवस्था च ये लिखिरा, ‘तू अपणे पड़ेसिये ने प्यार, कने दुश्मणा ने नफरत कर।’

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

प्रेरितां 17:19

फेरी सै तिस्सो अप्पूँ सौगी अरियुपगुस सभा च लईगे कने पुच्छया, “क्या अहें जाणी सक्कां यें भई ये नई शिक्षा तिस्सो जे तू सणवां, क्या?

इब्रानियों 6:9

पर प्यारे मित्रो, हलाँकि अहें इस तरिके ने गल्ल करया राँये, तां बी अहें हकीकत च विश्वास कराँ ये भई तुहांरे खातर ये नींआ। अहांरा भरोसा येआ भई तुहें अच्छियां गल्लां रे खातर ये सै जे छुटकारे सौगी औआं इयां।

1 यूहन्ना 2:24

जो किछ जे अहें यीशुये रे बारे च तुहांजो सखाईरा तिस पर भरोसा बणाईने रखा। सै जे तुहें शुरु ते सुणीरा, तिस पर तुहें विश्वास बणाईने रखा, तां तुहां बी पुत्रा च, कने पिता परमेशरा च बणी रयां रैहणा।

1 यूहन्ना 3:11

सै खुशखबरी जे तुहें शुरु ते सुणी, सै येई भई अहें इक-दूये ने प्यार रखिये।

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

1 यूहन्ना 3:21

प्यारे बच्चो, जे अहांरा मन अहांजो दोष नीं देओ, तां अहें परमेशरा रे सामणे आत्म विश्वासा ने आई सक्कां ये।

1 यूहन्ना 3:23

कने तिसरा हुक्म येआ: भई अहें तिसरे पुत्र यीशु मसीह रे नौआं पर विश्वास करिये कने तियां जे तिने अहांजो हुक्म दित्या तिसरे मुतावक अहें इक दुज्जे ने प्यार रखिये।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

1 यूहन्ना 4:11

प्यारे मित्रो, जे परमेशरे अहांने येढ़ा प्यार कित्या, तां अहांजो बी अप्पूँ चियें प्यार रखणा चाहिन्दा।

1 यूहन्ना 4:21

कने मसीह ते अहांजो ये हुक्म मिलया भई सै जे कोई परमेशरा ने प्यार रक्खां, सै अपणे साथी विश्वासिये ने बी प्यार रक्खां।

1 यूहन्ना 4:7

प्यारे मित्रो, अहांजो इक्की दूये ने प्यार रखणा चाहिन्दा; काँह्भई प्यार परमेशरा ते मिलां कने सै जे कोई दुज्यां ने प्यार कराँ, सै परमेशरा रा बच्चा, कने सै परमेशरा जो जाणाँ।