1 यूहन्ना 2:3 - बिलासपुरी नौआं नियम

³ जे अहें परमेशरा रे हुक्मा रा पालन करगे, येई सै रस्ता तिसते जे अहांजो निश्चा भई अहांरा तिसने अच्छा सम्बन्ध आ।

1 यूहन्ना 2:3 ပူးပေါင်းရင်းမြစ်များ

लूका 6:46

“तां जे तुहें मेरा बोल इ नीं मनदे, तां काँह मिन्जो; ‘हे प्रभु, हे प्रभु,’ बोल्लां ये?

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 15:10

जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

यूहन्ना 15:14

जे तुहें मेरिया दस्सी रिया गल्ला पर चलां ये सै जे हऊँ बोलां, तां तुहें मेरे सच्चे दोस्त बणी जांये।

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

1 यूहन्ना 2:13

हे परिपक्व विश्वासियो, हऊँ तुहांजो इस खातर लिखिराँ भई तुहांरा सम्बन्ध पिता परमेशरा नेआ। जवानो, हऊँ तुहांजो इस खातर लिखिराँ, काँह्भई तुहें तिस शैतान्ना पर विजय पाईरी। बच्चयो, हऊँ तुहांजो इस खातर लिखिराँ, भई तुहें पिता जो जाणीगरे।

1 यूहन्ना 3:14

अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।

1 यूहन्ना 3:19

ताहली जे अहें दुज्यां ने प्रेम कराँ ये तां अहां जाणना भई अहें सच्चाईया री सन्तान ये; कने तिसा गल्ला खातर जे अहांरा मन अहांजो दोष देंगा, तिस बारे च अहें परमेशरा रे सामणे अपणे दिलां जो हौंसला देई सकगे;

1 यूहन्ना 3:6

सै जे कोई मसीह च बणीरा रैयां, सै पाप नीं करदा; कने सै जे पाप कराँ, तिने न त तिसरे दर्शण कीतिरे, कने नई कदीं मसीह जो जाणया।

1 यूहन्ना 4:13

इसते इ अहें जाणी सक्कां ये भई अहें परमेशरा च बास कराँ ये, कने सै अहांरे अन्दर बास कराँ, काँह्भई तिने अपणा पवित्र आत्मा अहांजो दितिरा।

1 यूहन्ना 4:7

प्यारे मित्रो, अहांजो इक्की दूये ने प्यार रखणा चाहिन्दा; काँह्भई प्यार परमेशरा ते मिलां कने सै जे कोई दुज्यां ने प्यार कराँ, सै परमेशरा रा बच्चा, कने सै परमेशरा जो जाणाँ।

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।

1 यूहन्ना 5:2

ताहली जे अहें परमेशरा ने प्यार रक्खां ये, कने तिसरे हुक्मां रा पालन कराँ ये, तां अहें जाणी लें भई अहें परमेशरा रिया सन्तानां ने बी प्यार रक्खां ये।

1 यूहन्ना 5:3

कने परमेशरा रा प्यार येआ, भई अहें तिसरे हुक्मां रा पालन करिये, सै जे मुश्कल नींये।

प्रकाशितवाक्य 12:17

फेरी अजगरा जो जनाना पर गुस्सा आया कने तिसारियां बाकी औल़ादां ते लड़ने जो गया, सै जे परमेशर रे हुक्मा जो मन्नां ये कने यीशुये री सही शिक्षां पर अटल ये।

प्रकाशितवाक्य 14:12

इस खातर ये जरूरी आ भई परमेशरा रे लोकां जो धीरज रखणा चाहिन्दा, सै जे परमेशरा रे हुक्मा जो मन्नांये कने प्रभु यीशुये पर विश्वास रखां ये।

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।