1 यूहन्ना 2:28 - बिलासपुरी नौआं नियम

²⁸ इस खातर प्यारे बच्चो, मसीह च बणीरे रौआ, भई ताहली जे सै वापस आओ, तां अहांरा आत्म-विश्वास बणीरा रौ, कने अहांजो तिसरे औणे रे बगत शर्मिन्दा नीं हुणे पौ।

1 यूहन्ना 2:28 ပူးပေါင်းရင်းမြစ်များ

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

मत्ती 16:28

हऊँ तुहांजो बोलां भई येत्थी किछ येढ़े तिन्हां तदुआं तक नीं मरना, तदुआं तक जे माहणुये रे पुत्रा जो तिसरे राज्जा च औन्दे हुये नीं देक्खी लो।”

मरकुस 8:38

जे तुहें मेरे कने मेरिया शिक्षां ते इस दुष्ट कने पापी जुगा च शर्मिन्दा ये, तां माहणुये रा पुत्र यनि मांह बी तुहांते शर्मिन्दा हूणा, ताहली जे तिस पवित्र स्वर्गदूतां सौगी अपणे पिता रिया महिमा समेत औणा।”

लूका 17:30

तियां इ तिस बगत जे माहणुये रे पुत्रा यनि मांह वापस औणा, तिस वगत बी इयां इ हूणा कने लोकां जो अपणे कम्मां ते बेहल नीं हूणी।”

रोमियो 9:33

तियां जे पवित्रशास्त्रा च लिखिरा, “ध्याना ने सुणा, हऊँ यरूशलेम च इक पत्थर रखां तिसते जे लोकां जो ठोकर लगणी कने सै गिरने, पर सै जे कोई तिस पर विश्वास कराँ सै कदीं शर्मिन्दा नीं हूणा।”

1 कुरिन्थियों 1:7

इस खातर तियां जे तुहें बौहत बेसब्रिया ने अहांरे प्रभु यीशु मसीह रे औणे रा इन्तजार कराँ ये, तां तुहांले परमेशरा रा हरेक वरदान आ।

1 कुरिन्थियों 15:23

पर हरेक अपणिया-अपणिया बारिया ते: जिऊंदा हुणे औल़यां च पैहले मसीह; फेरी तिसरे औणे पर तिसरे लोक।

इफिसियां 3:12

अहें मसीह च विश्वासा कराँ ये इस खातर अहें पूरे भरोसे ने निडर हुईने परमेशरा रे नेड़े जांये।

कुलुस्सियां 3:4

ताहली जे मसीह सै जे अहांरा जीवन आ, भीं ते परगट हूणा, तां तुहें बी तिस सौगी तिसरिया महिमा समेत परगट कित्ते जाणे।

1 थिस्सलुनीकियां 2:19

भला अहांरी आशा या अहांरी मौज या अहां रिया बडयाईया रा मुकुट कुण आ? तिस पर जे अहांजो इतणा गर्व आ; क्या अहांरे प्रभु यीशुये रे सामणे तिसरे औणे रे वगत तुहां इ नीं हूणा?

1 थिस्सलुनीकियां 3:13

ताकि सै तुहांरयां मनां जो मजबूत करो भई ताहली जे अहांरे प्रभु यीशु मसीह फेरी अपणे पवित्र लोकां सौगी आओ तां तुहें अहांरे परमेशर कने पिता रे सामणे पवित्र कने निर्दोष हुणे।

1 थिस्सलुनीकियां 5:23

हऊँ परमेशरा ने प्राथना कराँ सै जे शान्ति देआं भई सै तुहांजो पूरे तरिके ने पवित्र करो; कने तुहांरी आत्मा, प्राण कने देह अहांरे प्रभु यीशु मसीह रे वापस औणे तक पूरे तौर पर निर्दोष कने सुरक्षित रौआ।

1 तिमुथियुस 6:14

भई तू अहांरे प्रभु यीशु मसीह रे दोबारा औणे तक सै सब कर तिस्सो जे पूरी तरह करने खातर परमेशरे तिज्जो हुक्म दित्तिरा, ताकि कोई बी तेरी निंध्या नीं करी सक्को भई तू गल़त करया राँ।

2 तिमुथियुस 4:8

हुण जीता रा मुकुट स्वर्गा च मेरे खातर इन्तजार करया राँ, काँह्भई मैं परमेशरा जो खुश कित्तिरा। प्रभु सै जे न्याय ने सारयां लोकां रा न्याय कराँ तिस न्याय रे दिन मिन्जो ये मुकट देणा, मिन्जो इ नीं वल्कि तिन्हां सारयां लोकां जो बी देणा सै जे तिसरे दोवारा औणे रा बेशबरिया ने इन्तजार करया राँये।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

1 पतरस 1:7

ये इस खातर आ भई तुहांरा विश्वास सच्चा साबित हो, मसीह यीशुये पर तुहांरा विश्वास सियुने ते बी बौहत कीमती आ। तियां जे नाशवान सियुना अग्गी ते परखया कने शुद्ध कित्या जां, तियां इ जे तुहांरा विश्वास समस्यां ते परखया जाणे ते बाद मजबूत बणीरा रौ, तां तुहां तिस दिन प्रशंसा, महिमा कने आदर पाणा ताहली जे यीशु मसीह वापस औणा।

1 पतरस 5:4

ताकि ताहली जे यीशु मसीह औणा सै जे अहांरे प्रधान रखवाल़े साई आ, तां तुहांजो महिमा रा मुकुट मिलणा, सै जे कदीं मुरझान्दा निआं।

1 यूहन्ना 2:1

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

1 यूहन्ना 3:21

प्यारे बच्चो, जे अहांरा मन अहांजो दोष नीं देओ, तां अहें परमेशरा रे सामणे आत्म विश्वासा ने आई सक्कां ये।

1 यूहन्ना 4:17

इसते प्यार अहां च सिद्ध हुया, ताकि न्याय रे दिन अहां नीं डरना भई परमेशरा अहांजो सजा देणी। तेढ़ा जे सै आ, तियां इ संसारा च अहें बी ये।

1 यूहन्ना 5:14

कने अहांरा परमेशरा च ये आत्मविश्वास आ भई जे अहें तिसरिया इच्छा रे मुतावक तिसते विनती करिये, तां सै अहांरी सुणां,

प्रकाशितवाक्य 1:7

देक्खा, मसीह बद्दल़ां सौगी आया रां, कने सारयां तिस्सो देखणा, येत्थी तक भई सै लोक बी तिन्हेंजे तिस्सो भाले ने बिन्हया था; तिन्हां बी तिसखा देखणा, कने संसारा रे सारयां लोकां तिसरिया वजह ते बिलकी-बिलकी ने रोणा। हाँ, ये हूणा। आमीन।