1 यूहन्ना 2:19 - बिलासपुरी नौआं नियम

¹⁹ सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

1 यूहन्ना 2:19 ပူးပေါင်းရင်းမြစ်များ

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मरकुस 13:22

काँह्भई झूट्ठे मसीह झूट्ठे भविष्यवक्ता औणे, कने नशाण कने हैरानिया रे काम्म दस्से जाणे भई जे हुई सक्को, तां परमेशरा रे चुणी रयां जो बी भरमाई दो।

लूका 8:13

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

यूहन्ना 15:2

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

प्रेरितां 15:24

“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था।

प्रेरितां 20:30

तुहां बिच्चा ते बी येढ़े-येढ़े माहणु औणे, तिन्हांजे चेलयां जो अप्पूँ खौ खिंजणे खातर गल़त फल़त गल्लां करनियां।

रोमियो 9:6

पर येढ़ा निआं भई परमेशरे अपणा वायदा पूरा नीं कित्या, काँह्भई सै जे इस्राएल रे बंशज ये, हकीकत च सै सारे इस्राएली नींये;

1 कुरिन्थियों 11:19

पर बटवारा बी तुहां च जरूर हुंगा, इस खातर भई सै लोक जे तुहां च खरे निकली रे सै सामणे आई जाओ!

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

2 तिमुथियुस 2:19

फेरी बी परमेशरे सै जे पक्की निऊं बणाईरी, सै मजबूत खढ़ीरी कने तिस पर ये लिखिरा : “प्रभु अपणे लोकां जो जाणाँ,” कने “सै जे कोई बोलां भई सै प्रभुये रा सै बुराईयां ते दूर रौ।”

2 तिमुथियुस 3:9

पर ये लोक बौहत वगता तक लोकां जो धोखा नीं देई सकगे, काँह्भई तियां जे लोकें यन्नेस कने यम्ब्रेस री मूर्खता जो पछयाणील्या था, तियां इ सारयां लोकां तिन्हां रिया मूर्खता जो पछयाणी लेणा।

इब्रानियों 10:39

पर अहें हटणे औल़यां चते नींये सै जे नाश हुई चुक्कीरे। पर अहें तिन्हां चते सै जे परमेशरा पर विश्वास कराँ ये कने छुटकारा पाई चुक्कीरे।

2 यूहन्ना 1:7

हऊँ इस खातर ये बोलां, काँह्भई बौहत सारे भरमाणे औल़े संसार च आईरे सै जे ये नीं मनदे भई यीशु मसीह इक माहणु बणीने इसा संसारा च आया। जे कोई माहणु ये बोलां, तां सै मसीह रा बैरी आ सै जे हमेशा लोकां जो भरमां।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।

यहूदा 1:19

ये सैई लोक ये सै जे फूट पांये; ये लोक अपणी स्वाभाविक इच्छा रे मुतावक चलां ये कने तिन्हां च पवित्र आत्मा वास नीं करदा।