1 यूहन्ना 2:18 - बिलासपुरी नौआं नियम

¹⁸ मेरे प्यारे बच्चो, संसारा रा अन्त समय आई पुज्जीरा, कने तियां जे तुहें सुणया, भई मसीह रा बैरी औणे औल़ा, तिसरे मुतावक हुण बी मते सारे लोक ये सै जे मसीह रे बरोधी हुईगरे। इस कारण अहें जाणाँ ये भई यीशु मसीह जल़दी वापस औणा।

1 यूहन्ना 2:18 ပူးပေါင်းရင်းမြစ်များ

मत्ती 24:11

बौहत सारे झूट्ठे भविष्यवक्तयां औणा, कने तिन्हां बौहत सारे लोकां जो धोखा देणा।

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मत्ती 24:5

हऊँ ये इस खातर बोलीराँ भई येढ़े कई ये तिन्हांजे मेरा नौं लेईने औणा कने बोलणा ‘हऊँ मसीह आ,’ कने तिन्हां मते लोक भरमाणे।

मरकुस 13:6

कईयां लोकां औणा कने बोलणा भई मैं तिन्हांजो भेज्जिरा, ‘हऊँ मसीह आ,’ कने तिन्हां कई लोकां जो भरमाणा।

यूहन्ना 21:5

फेरी यीशुये तिन्हांजो पुच्छया, “बच्चो! क्या तुहांले मच्छियां हईयां?” तिने जबाब दित्या, अहांले निआं।

रोमियो 13:11

इस खातर वगता जो समझीने ये करा। तुहें जाणाँ ये भई तुहांरे खातर अपणिया निन्दा ते जागणे रा बगत आई गरा, काँह्भई ताहली जे अहें विश्वास कित्या था, तिस वगता रे विचारा ने अहांरा छुटकारा हुण तिसते होर नेड़े आ।

रोमियो 13:12

ये येढ़ा भई रात तकरीवन खत्म हुई चुक्कीरी, कने दिन सिरने जोआ; इस खातर अन्धकारा ने जुड़ीरे सारयां कम्मां जो करना बन्द करा कने जोतिया च रैहणे खातर त्यार हुई जावा।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।

1 पतरस 1:5

परमेशर अपणिया सामर्था रे जरिये तुहांजो सुरक्षित रखां, काँह्भई तुहें मसीह पर विश्वास कराँ ये कने तिस तुहांजो लगातार आखिरी दिना तक सुरक्षित रखी रखणा, फेरी तुहां जाणना भई परमेशरे तुहांरा पूरे तरिके ने पापाँ ते कने मौती ते छुटकारा कित्तिरा।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

2 पतरस 2:1

तियां जे एस्राइली लोकां च झूट्ठे भविष्यवक्ता थे, विल्कुल तियां इ तुहां च बी झूट्ठे शिक्षक परगट हुणे, कने छिपिने झूट्ठी शिक्षा देणी, तिसते जे लोकां मसीह पर विश्वास करना छडी देणा। इन्हां झूट्ठे शिक्षकां बी मसीह जो अपणे स्वामिये रे रुपा च ग्रहण करने ते इन्कार करना तिने जे तिन्हांजो पापां ते अजाद कित्तिरा। येढ़ा करीने तिन्हां खुद अचानक अपणा नाश करना।

2 पतरस 3:3

सब्बीं ते पैहले तुहांजो ये समझी लेणा चाहिन्दा भई आखरी दिनां च मजाक डवाणे औल़यां मजाक डवान्दे हुये औणा, कने तिन्हां अपणी बुरी इच्छां रे मुतावक चलना।

1 यूहन्ना 2:22

पर सै जे येढ़ा गल्लां भई यीशु मसीह निआं, सै झूट्ठा माहणु आ। येढ़ा माहणु मसीह रा बैरी आ। सै त पिता परमेशरा रा कने पुत्रा दुईं रा इन्कार कराँ।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

1 यूहन्ना 4:3

कने सै आत्मा जे यीशुये जो नीं मनदी, सै परमेशरा रिया तरफा ते नीं, कने सैई त मसीह रे बैरिये री आत्मा इ; यीशुये रे बारे च तुहें सुणी चुक्कीरे, भई सै औणे औल़ा कने हुण बी इस संसारा चा।

2 यूहन्ना 1:7

हऊँ इस खातर ये बोलां, काँह्भई बौहत सारे भरमाणे औल़े संसार च आईरे सै जे ये नीं मनदे भई यीशु मसीह इक माहणु बणीने इसा संसारा च आया। जे कोई माहणु ये बोलां, तां सै मसीह रा बैरी आ सै जे हमेशा लोकां जो भरमां।

यहूदा 1:18

सै तुहांजो बोल्या करदे थे, “आखरी दिनां च येढ़े मजाक डवाणे औल़े लोक हुणे, कने तिन्हां अपणिया बुरियां इच्छां रे मुतावक बुरे काम्म करने।”