1 यूहन्ना 2:14 - बिलासपुरी नौआं नियम

¹⁴ परिपक्व विश्वासियो, मैं तुहांजो इस खातर लिखिरा, भई सै जे शुरु तेई हाया तिस्सो तुहें जाणी चुक्कीरे। नौजवानो, मैं तुहांजो इस खातर लिखिरा, भई तुहें ताकतवर ये, कने परमेशरा रा वचन तुहां च बास कराँ, कने तुहें तिस शैतान्ना जो हराई तरा।

1 यूहन्ना 2:14 ပူးပေါင်းရင်းမြစ်များ

यूहन्ना 15:7

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

यूहन्ना 5:38

कने पिता परमेशरा रा बचन अपणे अन्दर नीं रखदे, काँह्भई तिस्सो जे पिता परमेशरे भेज्जिरा तुहें तिस पर विश्वास नीं करदे।

यूहन्ना 8:31

फेरी यीशु तिन्हां यहूदी अगुवेयां ने गलाणे लगया सै जे तिस पर विश्वास कराँ थे, “जे तुहें लोक मेरी सखाई रियां सारियां गल्लां जो सुणीने अपणयां सारयां कम्मां जो तिसरे मुतावक कराँ ये, तां सच्चीजो तुहें मेरे चेले हुणे।

यूहन्ना 8:37

हऊँ जाणाँ भई तुहें अब्राहम रे बंशा ते; फेरी बी तुहां मेरियां सखाई रियां गल्लां रा पालन नीं करना, इस खातर तुहें मिन्जो मारी देणा चांये।

इफिसियां 6:10

आखिर च, मेरे भाईयो प्रभु च कने तिसरिया शक्तिया रे प्रभावा ने आत्मिकता च मजबूत हुन्दे जावा।

फिलिप्पियां 4:13

सै जे मिन्जो सामर्थ देआं, तिसरे जरिये हऊँ सब किछ करी सक्कां।

कुलुस्सियां 1:11

हऊँ प्राथना कराँ भई परमेशर तुहांजो अपणी महिमा रिया सामर्था ते लगातार मजबूत करदा जाओ, ताकि तुहें धैर्य ने कने खुशिया ने अपणे दुखां जो सही सकगे।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

2 तिमुथियुस 2:1

इस खातर अरे मेरे पुत्र तिमुथियुस, मसीह यीशुये च मिलणे औल़े अनुग्रह ते मजबूत हुई जा।

इब्रानियों 8:10

फेरी प्रभु बोलां, भई ये वाचा मांह औणे औल़े दिनां च इस्राएली लोकां ने बन्हणी, भई मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी, कने मांह तिन्हांरा परमेशर हूणा कने सै मेरे लोक हुणे।

1 यूहन्ना 1:1

हऊँ यूहन्ना तुहांजो तिस माहणुए रे बारे च लिख्या रां, सै जे जीवना रा वचन आ। सै सृष्टिया रे बौहत पैहले ते था, तिसजो जे अहें सुणीरा, कने अपणियां आक्खीं देख्या, बल्कि तिस्सो अहें बड़े ध्याना ने देख्या कने अपणे हत्थां ने छुया।

1 यूहन्ना 1:10

जे अहें बोल्लो भई अहें कोई पाप नीं कित्तिरा, तां अहें परमेशरा जो झूट्ठा बणायें, कने न तिसरे वचना जो ग्रहण कराँ ये।

1 यूहन्ना 2:13

हे परिपक्व विश्वासियो, हऊँ तुहांजो इस खातर लिखिराँ भई तुहांरा सम्बन्ध पिता परमेशरा नेआ। जवानो, हऊँ तुहांजो इस खातर लिखिराँ, काँह्भई तुहें तिस शैतान्ना पर विजय पाईरी। बच्चयो, हऊँ तुहांजो इस खातर लिखिराँ, भई तुहें पिता जो जाणीगरे।

2 यूहन्ना 1:2

अहें तुहांजो प्यार कराँ काँह्भई सच्ची शिक्षा अहांरे दिला च वास कराँ इ कने हमेशा रे खातर अहांने रैहणी;

3 यूहन्ना 1:3

हऊँ बौहत खुश हुया; ताहली जे किछ साथी विश्वासियें आईने दस्या भई तू बफादारिया ने परमेशरा रे सही रस्ते पर चलया राँ।

प्रकाशितवाक्य 2:3

हऊँ जाणाँ भई तैं मेरे नौआं रे खातर धीरजा ने दुख सैया, फेरी बी तैं विश्वास नीं छड्डया।

प्रकाशितवाक्य 2:7

सै जे मेरी गल्ल समझणा चाँह, सै ध्यान देईने सुणो भई परमेशरा रा आत्मा कलीसियां ने क्या बोलां। सै जे जय पाओ तिस्सो मांह जिन्दगिया रे डाल़ा चते सै जे परमेशरा रे स्वर्ग लोका चा, फल़ खाणे जो देणा।”