1 यूहन्ना 2:10 - बिलासपुरी नौआं नियम

¹⁰ सै जे कोई अपणे साथी विश्वासिये ने प्यार रखां, सै परमेशरा रिया ज्योतिया रे मुतावक जी राँ। कने सै किसी होरी रे खातर पापां री वजह नीं बणदा।

1 यूहन्ना 2:10 ပူးပေါင်းရင်းမြစ်များ

मत्ती 13:21

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

मत्ती 18:7

ये किसी रे खातर कितना भयानक हूणा सै जे दुज्यां रे खातर पाप करने री वजह बणां। गल़त करने खातर परख जरूरी, पर ये परख करने औल़े माहणुये रे खातर कितना भयानक हूणा।

यूहन्ना 11:9

यीशुये जबाब दित्या, “क्या इक्की दिना च बारा घण्टे नीं हुंदे? जे कोई दिना रे उजाले च चलो तां सै ठोकर नीं खांदा, काँह्भई सै सूरजा रिया लोई जो देखां।

यूहन्ना 12:35

फेरी यीशुये तिन्हांने बोल्या, “जोति तुहांरे बिच हल्तियें किछ वगत होर रैहणी, तदुआं तका जे जोति तुहांले इ अग्गे बधदे रौआ, किति येढ़ा नीं हो भई अन्धेरा तुहांजो घेरी लो; सै जे अन्धेरे च चलां सै नीं जाणदा भई सै कितो जाया राँ।

यूहन्ना 8:31

फेरी यीशु तिन्हां यहूदी अगुवेयां ने गलाणे लगया सै जे तिस पर विश्वास कराँ थे, “जे तुहें लोक मेरी सखाई रियां सारियां गल्लां जो सुणीने अपणयां सारयां कम्मां जो तिसरे मुतावक कराँ ये, तां सच्चीजो तुहें मेरे चेले हुणे।

रोमियो 14:13

इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।

फिलिप्पियां 1:10

ताकि तुहें उत्तम ते उत्तम गल्लां जो प्रिय जाणो, कने तुहें मसीह रे औणे रे दिना तक पवित्र, कने निर्दोष बणीने रौआ।

2 पतरस 1:10

इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

1 यूहन्ना 2:11

पर सै जे कोई अपणे साथी विश्वासिये ने बैर रखां, सै बुराईया रे अन्धेरे च जी राँ। सै सही कने गल़त नीं जाणीने सारा किछ कराँ, इस खातर सै क्या करी राँये नीं जाणदा; काँह्भई बुराईये तिस्सो अन्धे माहणुये साई बणाई तरा।

1 यूहन्ना 3:14

अहांजो पता भई अहें मौती ते अजाद हुईने हुण अहांजो अनन्त जीवना मिलीरा; काँह्भई अहें अपणे साथी विश्वासियां ने प्यार रखां ये: सै जे प्यार नीं रखदा, सै आत्मिक रितिया ने मरी चुक्कीरा।