1 यूहन्ना 1:8 - बिलासपुरी नौआं नियम

⁸ जे अहें येढ़ा बोलिये भई अहें कोई पाप नीं कित्या, तां अहें खुद अप्पूँजो धोखा दें, कने अहें विश्वास नीं करदे भई तिने जो किछ बोल्या सै सच्च आ।

1 यूहन्ना 1:8 ပူးပေါင်းရင်းမြစ်များ

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

रोमियो 3:10

तियां जे पवित्रशास्त्र बोलां, “परमेशरा रे सामणे कोई बी धर्मी निआं, इक बी नीं।

रोमियो 3:23

इस खातर भई सारयां पाप कित्तिरा कने सारे परमेशरा रिया महिमा ते दूर ये,

1 कुरिन्थियों 3:18

कोई बी अप्पूँजो धोखा नीं देओ। जे तुहां चते कोई इस संसारा रियां गल्लां रे मुतावक अप्पूँजो ज्ञानी समझां, तां तिस्सो मूर्ख बणना चाहिन्दा ताकि सै ज्ञानी हुई सक्को।

गलातियां 6:3

जे कोई माहणु खास नीं हुन्दे हुये बी खुद अप्पूँजो खास समझां तां सै अप्पूँजो धोखा देआं।

1 तिमुथियुस 6:5

कने इक्की दूये ने नीं खत्म हुणे औल़े झगड़े, कने तिन्हांरी बुद्धि भ्रष्ट हुईगरी, कने सै सच्चाईया जो नीं समझी सकदे, सै समझां ये भई परमेशरा री सेवा करना इ अमीर हुणे रा जरिया।

2 तिमुथियुस 3:13

पर बुरे लोक कने बैहकाणे औल़यां होर जादा बुरा काम्म करना, तिन्हां लोकां जो धोखा देणा कने खुद तिन्हां दुज्यां रे जरिये धोखा खाणा।

याकूब 1:22

पर परमेशरा रे वचना पर चलने औल़े बणा, नां भई सिर्फ तिस्सो सुणने औल़े, जे सिर्फ तुहें सुणने औल़े इ हाये, तां खुद अप्पूँजो धोखा देई कराँ ये।

याकूब 1:26

जे कोई माहणु अप्पूँजो धर्मी समझां कने अपणिया जीभा पर लगाम नीं लगान्दा, तां सै धोखे चा, तिसरी सै भगती किसी कम्मा री नीं।

याकूब 3:2

अहें सारे बौहत गल़तियां कराँ ये, पर सै माहणु जे अपणिया जुबाना जो बशा च करी सक्कां, सै खरा माहणु आ; कने हरेक हालाता च अप्पूँजो बशा च करी सक्कां।

2 पतरस 2:13

तिन्हांजो बुराईया रा बदला बुराईया तेई मिलणा। दिना रे उजाले च भोग-विलास करना तिन्हांजो ठीक लगां, ये लोक तुहांरे बिच कलंक कने धब्बा ये। ये लोक दुज्यां लोकां जो धोखा देणे च खुश हुआं ये ताहली जे तुहां सौगी संगतिया रा भोज खांये।

1 यूहन्ना 1:10

जे अहें बोल्लो भई अहें कोई पाप नीं कित्तिरा, तां अहें परमेशरा जो झूट्ठा बणायें, कने न तिसरे वचना जो ग्रहण कराँ ये।

1 यूहन्ना 1:6

जे अहें बोलिये भई तिसने सौगी अहांरी संगती, कने फेरी जे बुराईया पर चलो, तां अहें झूट्ठे कने सच्चाईया पर नीं चलदे;

1 यूहन्ना 2:4

सै जे कोई ये बोलां भई “मेरा परमेशरा ने गैहरा रिश्ता,” कने तिसरे हुक्मा रा पालन नीं करदा, तां सै झूट्ठा, कने सै तिसा सच्चाईया जो नीं ग्रहण करदा तिसाजो जे परमेशरे परगट कित्तिरा।

1 यूहन्ना 4:20

जे कोई बोल्ले, भई “हऊँ परमेशरा ने प्यार रक्खां,” पर अपणे साथी विश्वासिये ने दुश्मणी रखी, तां सै झूट्ठा, काँह्भई अपणे तिस साथी विश्वासिये जो, तिस्सो जे तिने देखीरा, ताहली जे सै प्यार नीं रखदा, तां परमेशरा जो बी तिसजो जे तिने नीं देखीरा, प्यार नीं करी सकदा।

2 यूहन्ना 1:2

अहें तुहांजो प्यार कराँ काँह्भई सच्ची शिक्षा अहांरे दिला च वास कराँ इ कने हमेशा रे खातर अहांने रैहणी;

3 यूहन्ना 1:3

हऊँ बौहत खुश हुया; ताहली जे किछ साथी विश्वासियें आईने दस्या भई तू बफादारिया ने परमेशरा रे सही रस्ते पर चलया राँ।