1 यूहन्ना 1:2 - बिलासपुरी नौआं नियम

² परमेशरे तिस्सो संसारा च भेज्या, कने अहें तिस्सो देक्खीरा, कने तुहांजो तिस अनन्त जीवना रे बारे च दस्या कने घोषणा कित्ती सै जे पिता परमेशरा सौगी था कने हुण अहांरे बिच रैहणे रे खातर आया)।

1 यूहन्ना 1:2 ပူးပေါင်းရင်းမြစ်များ

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना 1:4

ये सैई वचन आ तिने जे हरेक प्राणिये जो जीवन दित्या कने सै अहां पर परमेशरा रिया सच्चाईया जो तियां प्रगट कराँ जियां जे ज्योति अन्धकारा रियां चिज़ां जो प्रगट कराँ इ।

यूहन्ना 10:28

कने माह तिन्हाजो अनन्त जीवन देणा। कने सै कदीं बी नाश नीं हूणा, कने कोई बी तिन्हांजो मेरेते खोई नीं सकदा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 15:27

कने तुहांजो बी मेरे बारे च दुज्यां जो दसणा चाहिन्दा काँह्भई तुहें शुरु ते ही मेरने सौगी रै।

यूहन्ना 16:28

हऊँ पिता परमेशरा ते प्रगट हुईने इस संसारा च आया; हुण फेरी भीं, हऊँ इस संसारा जो छड्डिने पिता परमेशरा लौ जाईराँ।”

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

यूहन्ना 17:5

हुण तू, हे पिता अपणिया उपस्थितिया च मिन्जो तिसा महिमा ते महिमामय कर, सै महिमा जे मेरी संसारा रिया सृष्टिया ते पैहले तुहां सौगी थी।

यूहन्ना 19:35

तिने माहणुये जे ये गल्लां हुन्दे हुये देखियां, तिने इ इस बारे च गवाही दित्ति, ताकि तुहें बी यीशुये पर विश्वास करी सक्को। तिसरी ये गवाही सच्ची, कने सै जाणाँ भई तिने सच्च बोल्या।

यूहन्ना 21:14

मूईरयां चते जिऊंदा हुणे ते बाद ये तिज्जी बार यीशुये अपणया चेलयां जो दर्शण दित्या।

यूहन्ना 3:13

कोई स्वर्गा जो नीं गया, पर सिर्फ माहणुये रा पुत्र यनिके हऊँ, सै जे स्वार्गा ते उतरी ने आईरा।

यूहन्ना 7:29

पर हऊँ तिस्सो जाणाँ काँह्भई हऊँ तिसरिया तरफा ते आ कने तिने इ हऊँ भेज्जिरा।”

यूहन्ना 8:38

हऊँ सैई बोलां सै जे मैं अपणे पिता ले देख्या; कने तुहें बी सैई करदे रैं सै जे तुहें अपणे पिता ते सुणीरा हुआं।”

प्रेरितां 1:22

यूहन्ना रे बपतिस्मे ते लईने तिसरे अहां लाते चक्के जाणे तका सै लोक जे हमेशा अहांने सौगी रै, ठीक आ भई तिन्हां चते इक माहणु अहां सौगी तिसरे जिऊंदा हुणे रा गवाह बणी जाओ।”

प्रेरितां 10:41

सब्बीं लोकां पर नीं पर तिन्हां गवाहां पर तिन्हांजो जे परमेशरे पैहले ते चुणीलरा था, मतलब अहां पर तिने जे तिसने मूईरेयां चते जी उठणे ते बाद खादया-पित्या;

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

प्रेरितां 3:15

कने तुहें अनन्त जीवन देणे औल़े जो मारीत्या, तिस्सो जे परमेशरे मूईरेयां चते ज्यूंदा कित्या, कने अहें इसा गल्ला रे गवाह थे।

प्रेरितां 5:32

अहें इन्हां गल्लां रे गवाह ये कने तियां जे पवित्र आत्मा बी, तिस्सो जे परमेशरे तिसरा हुक्म मनणे औल़यां जो दित्तिरा।”

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

गलातियां 4:4

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

2 तिमुथियुस 1:10

पर हुण अहांरा छुटकारा करने औल़े, यीशु मसीह रे प्रगट हुणे रे जरिये अनुग्रह अहां पर प्रगट हुईरा, तिने जे मौती रिया शक्तिया रा नाश करित्या, कने तिने जीवन कने अमरता जो खुशखबरिया रे जरिये प्रगट कित्तिरा।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 यूहन्ना 1:1

हऊँ यूहन्ना तुहांजो तिस माहणुए रे बारे च लिख्या रां, सै जे जीवना रा वचन आ। सै सृष्टिया रे बौहत पैहले ते था, तिसजो जे अहें सुणीरा, कने अपणियां आक्खीं देख्या, बल्कि तिस्सो अहें बड़े ध्याना ने देख्या कने अपणे हत्थां ने छुया।

1 यूहन्ना 2:25

कने तिने अहांजो अनन्त जीवन देणे रा बादा कित्तिरा।

1 यूहन्ना 3:5

कने तुहें त जाणाँ ये, भई मसीह लोकां रे पापां जो हरने रे खातर इ प्रगट हुया, कने तिसरे स्वभावा च पाप निआं।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

1 यूहन्ना 4:14

कने अहें पुत्रा जो देखीरा कने तिसरी गवाही दें भई पिता परमेशरे अपणे पुत्रा जो संसारा रे लोकां जो छुटकारा देणे रे खातर भेज्या।

1 यूहन्ना 4:2

परमेशरा रे आत्मे जो तुहें इयां पछयाणी सक्कां ये: भई सै जे कोई आत्मा मन्नी लेईं भई यीशु मसीह माहणुये रे रुपा च धरतिया पर आया, सै परमेशरा रिया तरफा ते आ।

1 यूहन्ना 5:11

कने सै गवाही येई भई परमेशरे अहांजो अपणे पुत्रा रे जरिये अनन्त जीवन दित्या।

1 यूहन्ना 5:13

परमेशरा रे पुत्रा पर विश्वास रखणे औल़यो, ये गल्लां तुहांजो हऊँ इस खातर लिखिराँ तिसते जे तुहें ये जाणी लो, भई अनन्त जीवन तुहांरा।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।