1 कुरिन्थियों 9:27 - बिलासपुरी नौआं नियम

²⁷ पर हऊँ अपणे शरीरा जो कष्ट देआं कने वशा च रखां, येढ़ा नीं हो भई होरीं जो प्रचार करीने हऊँ खुद ईनाम पाणे रे खातर निकम्मा नीं बणुँ।

1 कुरिन्थियों 9:27 ပူးပေါင်းရင်းမြစ်များ

लूका 18:5

तां बी ये विधवा मिन्जो परेशान कराँ इ, इस खातर मांह तिसारा न्याय करी देणा किति येढ़ा नीं ओ भई सै बार-बार आईने मेरा जीणा हराम करी दो।”

लूका 9:25

जे लोक इस संसारा जो जित्ति लो कने अपणा‍ प्राण गवाई दो, तां तिस्सो क्या फैदा?

प्रेरितां 1:25

भई सै इस सेवकाईया कने प्रेरिताईया रा औहदा लओ, तिस्सो जे यहूदा मरने ते बाद छड्डिने तित्थी जो गया तित्थी जो जे जाणे रे लायक था।”

रोमियो 8:13

काँह्भई जे तुहें अपणे पापी स्वभावा रे मुतावक जींगे तां मरगे, पर जे तुहें पवित्र आत्मा रे मुतावक अपणे पापी स्वभावा रे कम्मां जो मारगे तां तुहां जिऊंदा रैहणा।

1 कुरिन्थियों 8:13

इस खातर जे मेरी रोटी मेरे साथी विश्वासिये खातर पापा री वजह बणो, तां फेरी मांह कदीं माँस नीं खाणा, ताकि हऊँ अपणे साथी विश्वासिये खातर पापा री वजह नीं बणुँ।

1 कुरिन्थियों 9:25

हरेक पैहलवाण सब प्रकारा रा संयम कराँ; सै त इक मुर्झाणे औल़े मुकटा जो पाणे खातर ये सब किछ कराँ ये, पर अहें त तिस मुकटा खातर कराँ ये सै जे मुर्झान्दां निआं।

2 कुरिन्थियों 11:27

मैं बौहत मेहणत करीने दुखां ते थक्कीने टुटिग्या, कईयां मौकयां च त मिन्जो सौणे बी नीं मिलया, कने ठण्डा ते बचणे खातर पैहनणे जो गर्म कपड़ा बी नीं था इस वजह ने कम्बदा रैया।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

2 तिमुथियुस 2:22

इस खातर तू ज्वानिया रिया बुरियां इच्छां ते दूर जा कने सै लोक जे साफ दिला ने प्रभुये जो पुकाराँ ये, तिन्हां सौगी मिलीने धार्मिकता, विश्वास, प्यार कने शान्तिया रे पिच्छे चल।

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।

2 पतरस 2:15

तिन्हें सै जे सही आ तिस्सो करना बन्द करी तरा कने सैई बुरा काम्म करना शुरु करी तरा सै जे बओर रे पुत्र बिलामे बौहत पैहले कित्या था, सै जे गल़त काम्म करीने पैसा कमाणा पसन्द कराँ था।