1 कुरिन्थियों 9:23 - बिलासपुरी नौआं नियम

²³ हऊँ ये सब किछ खुशखबरिया खातर कराँ ताकि हऊँ दुज्यां लोकां ने तिसरियां आशीषां रा सहभागी हुई जाऊँ।

1 कुरिन्थियों 9:23 ပူးပေါင်းရင်းမြစ်များ

मरकुस 8:35

काँह्भई सै जे कोई इस संसारा च अपणे प्राणा जो बचाणा चाँह, तिसजो तिस गवाई देणा, पर जे कोई मेरे कने मेरिया खुशखबरिया खातर इस संसारा च अपणा प्राण गवांगा, तिस अनन्त जीवन पाणा।

रोमियो 11:17

इस्राएली लोक जैतून डाल़ां रियां डाल़ियां साई ये कने पूर्वज अब्राहम, इसहाक कने याकूब डाल़ां रियां जड़ां साई ये। जे किछ डाल़ियां तोड़ी दित्तियां जाओ, कने तुहें अन्यजातियां रे लोक जंगली डाल़ां रियां डाल़ियां साई ये कने तिन्हां डाल़ां पर कलम कित्ते गईरे तां तुहें तिन्हां जैतून रे खरयां डाल़ां री जड़ां री खुराका रा हिस्सा हुईगे,

1 कुरिन्थियों 9:12

जे दुज्यां जो तुहां पर ये अधिकार आ, तां क्या अहांरा अधिकार तिसते बधीने नीं हूणा? फेरी बी अहें इस अधिकारा रा इस्तेमाल नीं कित्या। इसरे उलट अहें सब किछ सैया भई अहांरे जरिये किति मसीह रिया खुशखबरिया रे प्रचारा च कोई रुकाबट नीं आओ।

1 कुरिन्थियों 9:22

सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।

1 कुरिन्थियों 9:24

क्या तुहें नीं जाणदे भई दौड़ा च त सब दौड़ां ये, पर ईनाम इक्की जोई मिलां? इस खातर तुहें इयां दौड़ा भई ईनाम जित्तो।

2 कुरिन्थियों 2:4

काँह्भई तुहौं मैं दुखी मना ते कने पीड़ा सौगी आँसू बहाई-बहाई ने सै चिट्ठी लिखी थी; पर तुहांजो दुखी करने खातर नीं, बल्कि इस खातर भई तुहांरे प्रति सै जे मेरा प्यार आ, सै कितना महान आ, तुहें इसजो जाणी सक्को।

गलातियां 2:5

पर अहें इक पल बी तिन्हांरे अधीन नीं हुये, ताकि तुहें लगातार खुशखबरिया रिया सच्चाईया च जी सक्को।

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

2 तिमुथियुस 2:6

तिने करसाणे जे कड़ी मेहणत कित्तिरी तिसजो इ फसला रा पैहला हिस्सा मिलणा चाहिन्दा।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 यूहन्ना 1:3

जो किछ अहें देख्या कने यीशु मसीह रे बारे च सुणया तिसरी गवाही तुहौं बी देआंये, इस खातर भई अहां सौगी तुहांरी संगती ओ; अहांरी ये संगती पिता ने कने तिसरे पुत्र यीशु मसीह ने सौगी।