1 कुरिन्थियों 9:17 - बिलासपुरी नौआं नियम

¹⁷ काँह्भई जे हऊँ अपणिया इच्छा ते प्रचार कराँ, तां मिन्जो इसरा ईनाम मिलणा, कने जे अपणिया इच्छा ते प्रचार नीं करदा, तां बी मिन्जो सौपी रिया जिम्मेवारिया जो हऊँ पूरा कराँ।

1 कुरिन्थियों 9:17 ပူးပေါင်းရင်းမြစ်များ

मत्ती 10:41

सै जे भविष्यवक्ते जो भविष्यवक्ता जाणीने ग्रहण करो, तां परमेशर भविष्यवक्ते जो सै जे ईनाम देआं तेढ़ा इ ईनाम तिस्सो देणा; कने सै जे धर्मिये जो धर्मी जाणीने ग्रहण करो, तां परमेशर धर्मिये जो सै जे ईनाम देआं तेढ़ा इ ईनाम तिस्सो देणा।

मत्ती 24:25

देक्खा, मैं पैहले तेई ये सब किछ तुहांजो गलाई तरा।

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

यूहन्ना 4:36

बढाई करने औल़ा अपणी मजदूरी पां, कने अनन्त जीवना खातर फसल कठेराँ, ताकि फसल बाहणे औल़ा कने बढणे औल़ा ये दोन्नों मिलीने मौज करो।

1 कुरिन्थियों 3:14

जे किसी रा बणीरा काम्म तिसा निऊँआ पर टिकिरा रैआं, तां तिस अपणा ईनाम पाणा।

1 कुरिन्थियों 3:8

बाहणे औल़े कने पाणी देणे औल़े रा इक इ मकसद आ, पर दुईं जो अपणिया मेहणता रे मुतावक मजदूरी परमेशरा ते मिलणी।

1 कुरिन्थियों 4:1

तां माहणु अहौं मसीह रे सेवक कने परमेशरा रे भेतां रे भण्डारी समझो।

1 कुरिन्थियों 9:16

फेरी बी ताहली जे हऊँ खुशखबरिया रा प्रचार कराँ, तां हऊँ घमण्ड नीं करी सकदा, काँह्भई हऊँ त ये करने जो मजबूर आ। जे हऊँ खुशखबरी नीं सुणांऊ तां मांह पर धिक्कार आ!

1 कुरिन्थियों 9:18

तां मेरा ईनाम क्या? ये: भई हऊँ मसीह री खुशखबरिया रा प्रचार मुख्ता च करदा रऊँ, कने खुशखबरिया च सै जे मेरा अधिकार आ तिस्सो हऊँ इस्तेमाल नीं करूँ।

2 कुरिन्थियों 8:12

काँह्भई जे किसी च दान देणे री इच्छा हाई, तां सै जे किछ तिसले हाया, तिसरे मुतावक तिसरा दान ग्रहण हूणा, उसरे मुतावक नीं सै जे तिसले निआं।

गलातियां 2:7

पर इसरे उलट ताहली जे तिन्हें अगुवेयां देख्या भई तियां जे परमेशरे पतरसा जो खतना कित्ती रयां लोकां जो खुशखबरी सुनाणे रा काम्म सौंपया था, तियां इ परमेशरे गैर-यहूदी लोकां जो खुशखबरी सुनाणे रा काम्म मिन्जो दित्या।

कुलुस्सियां 1:25

कने हऊँ कलीसिया रा सेवक बणीरा, काँह्भई परमेशरे तुहांरी मदद करने रे खातर ये कम्मा मिन्जो सौंपीरा ताकि हऊँ परमेशरा रे वचना रा पूरी तरह प्रचार करी सकूँ।

1 थिस्सलुनीकियां 2:4

पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।

फिलेमोन 1:14

पर हऊँ बगैर तेरी सैहमतिया ते किछ बी करना नीं चाहन्दा, ताकि तेरी ये मदद मजबूरिया ने नीं पर खुशिया ते हो।