1 कुरिन्थियों 8:8 - बिलासपुरी नौआं नियम

⁸ पर खाणा अहांजो परमेशरा ले नीं पहुँचान्दा। जे अहें इस्सो नीं खाईये तां अहांरा कोई नुक्शान नीं हुंदा, कने जे खाईये तां अहांजो किछ फायदा नीं हुन्दा।

1 कुरिन्थियों 8:8 ပူးပေါင်းရင်းမြစ်များ

मत्ती 25:15

तिने इक्की जो सोने रे सिक्कयां ने भरी रियां पांज्ज थैलियां दित्ति, तिन्हां चते इक थैली (पन्द्रह साल्लां रिया मजदूरिया ते जादा), दुज्जे जो दो, कने तिज्जे जो इक; सै हर इक्की जो तिन्हांरी काबलियता रे मुतावक कमाई करने जो देईने खुद परदेशा जो चलिग्या।

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

1 कुरिन्थियों 6:13

तुहां चते किछ लोक ये बोलां ये, “रोटी पेट्टा रे खातर इ कने पेट रोटिया रे खातर आ,” पर परमेशरा दुईं जो नाश करना। शरीर व्यभिचारा खातर नींआ, पर प्रभुये खातर आ; कने प्रभु शरीरा रे खातर आ।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।