1 कुरिन्थियों 8:12 - बिलासपुरी नौआं नियम

¹² इस तरिके ने विश्वासियां रे खिलाफ पाप करने ते कने तिसरिया कमजोर अन्तरात्मा जो चोट पहुँचाणे ते तुहें मसीह रे खिलाफ पाप कराँ ये।

1 कुरिन्थियों 8:12 ပူးပေါင်းရင်းမြစ်များ

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

मत्ती 18:21

फेरी पतरस यीशुये ले गया कने बोल्या, “प्रभु, जे तुज़ पर विश्वास करने औल़ा अपराध करदा रौ, तां हऊँ कितणी बार तिस्सो माफ करूँ? जे सै सात्त बार अपराध करो तां बी?”

मत्ती 18:6

“सै जे कोई माह पर विश्वास करने औल़यां चते इक्की जो बी पाप करने पर मजबूर करो तां परमेशरा तिस्सो इसते बी बौहत भयानक सजा देणी। जे कोई इक घराटा रा बाट्ट तिसरे गल़े ने बन्हीने समुद्रा च सट्टि दो तां तिसरे खातर ये बौहत सजा हुई सक्कां इ, पर इसते बी भयानक सजा परमेशरा देणी।

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

मत्ती 25:45

फेरी मांह तिन्हांजो जबाब देणा, हऊँ तुहांजो सच्च बोलीराँ ताहली जे तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ नीं कित्या तां सै तुहें मेरे खातर बी नीं कित्या।

मरकुस 9:42

यीशुये ये बी बोल्या “सै जे कोई माह पर विश्वास करने औल़यां चते इक्की जो बी पाप करने पर मजबूर करो, भले इ सै इक बच्चे साई कोई हो, ये तिसरे खातर बेहतर हूणा भई इक बजनी पत्थर तिसरे गल़े ने बन्हया जाओ कने तिस्सो डुबणे रे खातर समुद्रा च सट्टि दित्या जाओ, ये तिसरे खातर भयानक सजा हुई सक्का इ पर परमेशरा तिसजो इसते बी भयानक सजा देणी।

लूका 17:2

सै जे कोई माह पर विश्वास करने औल़यां चते इक्की जो बी पाप करने पर मजबूर करो, तां तिसरे खातर ये बौहत सजा हुई सक्कां इ भई इक घराटा रा बाट्ट तिसरे गल़े ने बन्हीने समुद्रा च सट्टि दो पर परमेशरा तिसजो इसते बी बौहत भयानक सजा देणी।

रोमियो 14:20

खाणे रे खातर परमेशरा रे कम्मां जो नीं बगाड़ा। हरेक किस्मा रा खाणा पवित्र आ, पर तिस माहणुये रे खातर बुरा, ताहली जे तिसरा खाणा दुज्जे माहणुये ते पाप करवां।

1 कुरिन्थियों 12:12

काँह्भई तियां जे देह त इक इ कने तिसरे अंग बौहत ये, कने तिसा इक्की देहा रे बौहत अंग हुणे पर बी सब मिलीने इक इ देह इ, तियां इ मसीह बी आ।