1 कुरिन्थियों 7:35 - बिलासपुरी नौआं नियम

³⁵ हऊँ ये गल्ल तुहांरे भले रे खातर इ बोल्या राँ, नां की तुहांजो फसाणे खातर, बल्कि हऊँ चांह भई तुहें सै करो सै जे सही आ कने तुहें इक मन हुईने प्रभुये रिया सेवा च लगीरे रौ।

1 कुरिन्थियों 7:35 ပူးပေါင်းရင်းမြစ်များ

मत्ती 19:12

किछ येढ़े सै जे अपणिया मौआ रे पेट्टा तेई नपुंसक जम्मीरे; किछ येढ़े सै जे लोकें नपुंसक बणाईतरे; पर किछ येढ़े माहणु बी ये, सै जे ब्याह नीं करने रा फैसला कराँ ये भई परमेशर ताहली जे तिन्हां पर राज कराँ, तां सै तिसरी सेवा अव्वल दर्जे ने करी पाओ, सै जे इस उपदेशा जो ग्रहण करी सक्कां, सै ग्रहण करी लो।”

मत्ती 22:15

फेरी फरीसियें जाईने इक सभा किति, तिसा च तिन्हे ये विचार कित्या भई कियां यीशुये जो तिसरिया गलाई रियां गल्लां च फसाई सक्कां ये।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

लूका 8:14

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, सै जे बचनां जो सुणी ने ग्रहण त कराँ ये, पर जियां जे अग्गे बचनां च बधणे लगां ये तियां इ सै जिन्दगिया रे फिक्राँ च, धन-दौलत कने सुख सुबिदा रिया लालसा च फस्सी जायें तिसते जे तिन्हां रिया आत्मा रा बिकास नीं हुन्दा येढ़यां लोकां री फसल कदीं नीं पकदी।

1 कुरिन्थियों 7:2

पर व्यभिचारा रे डरा ते हरेक मर्दा री जनाना, कने हरेक जनाना रा पति ओ।

1 कुरिन्थियों 7:28

पर जे तू ब्याह बी करो, तां ये पाप निआं; कने जे क्वारी ब्याह करो, तां कोई पाप निआं। पर सै लोक जे ब्याह कराँ ये तिन्हां इस जीवना च बौहत समस्यां रा सामना करना, पर हऊँ तुहांजो इन्हांते बचाणा चांह।

1 कुरिन्थियों 7:36

जे कोई ये समझां भई सै क्वारिया रे ब्याह च देर करने रिया वजह ने तिसाने अन्याय करया राँ, काँह्भई तिसारी उम्र ढल़या राईं, तां सै तियां इ करो सै जे तिसजो ठीक लगां, इसच पाप निआं, सै तिसारा ब्याह होणे देओ।

इफिसियां 5:3

तुहांरे बिच व्यभिचार कने हर तरह रे अपवित्र कम्मां यनि लालचा री चर्चा तक नीं हूणी चाहिन्दी; काँह्भई पवित्र लोकां रे खातर ये ठीक निआं।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

1 तिमुथियुस 1:10

व्यभिचारियां, आदमी सै जे आदमियां ने शारीरिक रिश्ता रखां ये, माहणुये रे बेचणे औल़यां, झूट्ठ बोलणे औल़यां, कने झूट्ठी कसम खाणे औल़यां, कने इन्हांजो छड्डिने खरे उपदेशा रे सारे विरोधियां खातर बणाई गईरी।

तीतुस 2:3

इस तरिके ने बजुर्ग औरतां जो जीणे खातर सखां तिसते जे परमेशरा रा आदर हुआं; सै दोष लाणे औल़ियां कने पियक्कड़ नीं, पर खरियां गल्लां सखाणे औल़ियां हो