1 कुरिन्थियों 7:28 - बिलासपुरी नौआं नियम

²⁸ पर जे तू ब्याह बी करो, तां ये पाप निआं; कने जे क्वारी ब्याह करो, तां कोई पाप निआं। पर सै लोक जे ब्याह कराँ ये तिन्हां इस जीवना च बौहत समस्यां रा सामना करना, पर हऊँ तुहांजो इन्हांते बचाणा चांह।

1 कुरिन्थियों 7:28 ပူးပေါင်းရင်းမြစ်များ

मत्ती 5:32

पर हऊँ तुहांजो बोल्लां भई सै जे कोई अपणिया घराऔल़िया जो व्यभिचारा ते इलावा होर किसी वजह ते तलाक देओ, तां सै तिसाते व्याभिचार करवां; कने सै जे कोई तिसा छड्डी रिया ने ब्याह करो, सै व्याभिचार कराँ।”

1 कुरिन्थियों 7:26

हऊँ समझां भई अजके कलेशा रिया वजह ने माहणुये रे खातर ये अच्छा भई सै तेढ़ा जे हया तेढ़ा इ रौ।

1 कुरिन्थियों 7:27

जे तू ब्याही रा तां तू अपणिया जनाना ते लग हुणे री कोशिश मत करयां; कने जे शादीशुदा नीं, तां ब्याह करने रे खातर कोशिश मत करयां।

1 कुरिन्थियों 7:29

अरे साथी विश्वासियो, मेरा मतलब येआ भई अहांरा संसारा च रैहणे रा बगत कम आ, इस खातर हुण ते सै जे शादीशुदा सै बी इस तरिके ने रौ भई मन्नो सै शादीशुदा नींआ;

2 कुरिन्थियों 1:23

परमेशर मेरिया इसा सच्चाईया रा गवाह भई हऊँ दोवारा कुरिन्थुस नगरा च इस खातर नीं आया काँह्भई हऊँ तुहांजो पीड़ा नीं देणा चाँह था।

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।