1 कुरिन्थियों 7:21 - बिलासपुरी नौआं नियम

²¹ जे तू सद्दया जाणे रे वगत दास था, तां इसरी चिन्ता नीं कर; पर जे तू अजाद हुई सक्को, तां तिस मौके रा फायदा लै।

1 कुरिन्थियों 7:21 ပူးပေါင်းရင်းမြစ်များ

लूका 12:29

कने खाणे री फिक्र नीं करा भई क्या खांगे या क्या पींगे, कने न सन्देह करा।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

1 कुरिन्थियों 7:20

हरेक माहणु तिसा दशा च जे सद्दया गया, सै तिसा ची रौ।

1 कुरिन्थियों 7:22

काँह्भई प्रभुये रे जरिये सद्दया जाणे रे वगत सै जे दास था, सै प्रभुये रे जरिये अजाद कित्या गईरा। तियां इ सै जे प्रभुये रे जरिये सद्दया जाणे रे वगत सै जे अजाद था सै मसीह रा दास आ।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

फिलिप्पियां 4:11

किसी जरूरता रिया वजह ने हऊँ ये नीं बोल्ली कराँ, काँह्भई हऊँ चाये केढ़िया बी हालता च रहूँ; मैं तिसच इ सन्तोख करना सिक्खी लरा।

फिलिप्पियां 4:6

किसी बी गल्ला री चिन्ता मता करदे; पर हर इक गल्ला च धन्यवादा सौगी प्राथना कने विनतिया च अपणे निवेदन परमेशरा रे सामणे रखदे जावा।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

इब्रानियों 13:5

अपणे जीवना जो धन-दौलता रे लालचा ते दूर रखा, कने जो किछ तुहांले आ तिस पर सन्तुष्ट रौ; काँह्भई परमेशरे खुद बोलीरा, “मांह तिज्जो कदीं मनीं छडणा, नां कदीं तिज्जो त्यागणा।”

1 पतरस 5:7

अपणी सारियां चिन्तां जो तिस पर छड्डा, काँह्भई तुहांरी देखभाल सैई कराँ।