1 कुरिन्थियों 7:17 - बिलासपुरी नौआं नियम

¹⁷ फेरी बी हर इक माहणु तिसा दशा च जे सद्दया गईरा तिसच बणीरा रौ कने तिस्सो प्रभुये ते जो बरदान मिलीरा तिसरे मुतावक जीवन जीओ। हऊँ सारी कलीसियां रे खातर ये नियम तैह कराँ।

1 कुरिन्थियों 7:17 ပူးပေါင်းရင်းမြစ်များ

मत्ती 19:12

किछ येढ़े सै जे अपणिया मौआ रे पेट्टा तेई नपुंसक जम्मीरे; किछ येढ़े सै जे लोकें नपुंसक बणाईतरे; पर किछ येढ़े माहणु बी ये, सै जे ब्याह नीं करने रा फैसला कराँ ये भई परमेशर ताहली जे तिन्हां पर राज कराँ, तां सै तिसरी सेवा अव्वल दर्जे ने करी पाओ, सै जे इस उपदेशा जो ग्रहण करी सक्कां, सै ग्रहण करी लो।”

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

1 कुरिन्थियों 11:16

पर जे कोई इस बारे च बैहस करना चाओ, तां सै ये जाणी लो भई नां अहांरी कने नां परमेशरा रिया कलीसियां री ये प्रथा इ।

1 कुरिन्थियों 11:34

जे कोई भूखा हो तां अपणे घरा च खाई लो, ताकि तुहांरा कट्ठा हूणा सजा री वजह नीं बणो। बाकी गल्लां जो हऊँ आईने ठीक करगा।

1 कुरिन्थियों 14:33

काँह्भई परमेशर गड़बड़िया रा नीं, पर शान्तिया रा परमेशर आ। तियां जे पवित्र लोकां रिया सब्बीं कलीसियां चा।

1 कुरिन्थियों 16:1

हुण पवित्र लोकां रिया मददा खातर चन्दे रे बारे च: तेढ़ी आज्ञा जे मैं गलातिया रिया कलीसियां जो दित्ति, तियां इ तुहें बी करा।

1 कुरिन्थियों 4:17

इस खातर मैं तिमुथियुसा जो तुहांले भेज्जी राँ, सै जे मेरा प्यारा पुत्र कने प्रभुये च बफादार पुत्र आ। तिस तुहांजो मसीह च मेरा चरित्र याद दिलाणा, तियां जे हऊँ हर जगह हरेक कलीसिया च उपदेश देआं।

1 कुरिन्थियों 7:18

जे सद्दया जाणे रे वगत इक माहणुये रा खतना हुई चुक्कीरी था, तां सै इसा गल्ला जो छिपाणे री कोशिश नीं करो कने जे सद्दे जाणे रे वगत इक माहणुये रा खतना नीं हुईरा था, तां सै खतना नीं करवाये।

1 कुरिन्थियों 7:24

अरे साथी विश्वासियो, हरेक माहणुये जो तिसा दशा च जे सद्दया गया, सै तिस ची परमेशरा रिया संगतिया च रौ।

1 कुरिन्थियों 7:7

हऊँ येढ़ा चांह भई तेढ़ा जे हऊँ आ, तियां इ सब माहणु हो; पर हर इक्की जो परमेशरा रिया तरफा ते खास वरदान मिलीरे; किसी जो इक्की तरिके रा, कने किसी जो दुज्जे तरिके रा।

2 कुरिन्थियों 11:28

इन्हां गल्लां जो छड्डिने, माह पर सारी कलीसियां री चिन्ता रा बोझ बी हर दिन बणीरा रैया।

2 कुरिन्थियों 8:18

अहें तिस सौगी इक होर विश्वासी भाईये जो बी भेज्जी राँये, तिसरा खुशखबरिया रे प्रचारा च सारी कलीसियां रे विश्वासियां च यश फैली कराँ।

गलातियां 1:22

पर यहूदा प्रदेशा रियां कलीसियां रे विश्वासी मेरने कदीं नीं मिले थे।

1 थिस्सलुनीकियां 2:14

इस खातर तुहें, हे भाईयो, परमेशरा रे तिन्हां विश्वासियां री चाल चलने लगे सै जे यहूदिया प्रदेशा च मसीह यीशुये चे, काँह्भई तुहें बी अपणे लोकां ते तेढ़ा इ दुख पाया तेढ़ा जे तिन्हें यहूदियां ते पाया था,

2 थिस्सलुनीकियां 1:4

इस खातर अहें खुद परमेशरा रिया कलीसियां रे विश्वासियां रे बिच तुहांरे बारे च घमण्ड कराँ ये, हलाँकि तुहें सताव कने दुखां रा अनुभव कराँ ये, फेरी बी तुहें लगातार धीरजा ने सैंये कने हुण तुहें यीशु मसीह पर बी विश्वास कराँ ये।