1 कुरिन्थियों 7:10 - बिलासपुरी नौआं नियम

¹⁰ पर तिन्हांरा जे ब्याह हुईगरा, तिन्हांजो हऊँ नीं, पर प्रभु हुक्म देआं भई जनाना अपणे मर्दा ते लग नीं रौ।

1 कुरिन्थियों 7:10 ပူးပေါင်းရင်းမြစ်များ

मत्ती 5:32

पर हऊँ तुहांजो बोल्लां भई सै जे कोई अपणिया घराऔल़िया जो व्यभिचारा ते इलावा होर किसी वजह ते तलाक देओ, तां सै तिसाते व्याभिचार करवां; कने सै जे कोई तिसा छड्डी रिया ने ब्याह करो, सै व्याभिचार कराँ।”

मरकुस 10:2

तां फरीसियें तिसले आईने तिस्सो परखणे खातर तिसते पुच्छया, “क्या ये यहूदी व्यवस्था रे मुतावक ठीक आ भई पुरुष अपणी पत्नियां जो छड्डी दो?”

लूका 16:18

उदाहरणा खातर “सै जे कोई अपणिया घराऔल़िया जो तलाक देईने दुज्जिया ने ब्याह कराँ, तां सै व्याभिचार कराँ, कने सै जे कोई तलाक दित्ति रिया जनाना ने ब्याह कराँ, सै बी व्याभिचार कराँ।”

1 कुरिन्थियों 7:11

कने जे जनाना लग हुई बी जाओ, तां बिणा दुज्जा ब्याह कित्ते रौ या अपणे मर्दा ने मेल-मिलाप करी लो, कने नां मर्द अपणिया जनाना जो छड्डो।

1 कुरिन्थियों 7:12

दुज्यां जो प्रभु नीं पर हऊँ बोलां, जे किसी साथी विश्वासिये री जनाना सै जे विश्वासी नीं कने तिस सौगी रैहणे ते खुश इ; तां सै तिसाजो नीं छड्डो।

1 कुरिन्थियों 7:15

पर जे अविश्वासी पति लग हूणा चाये, तां तिस्सो लग हुणे देओ, येढ़िया दशा च कोई बी विश्वासी मर्द या विश्वासी जनाना बन्धना च नींये; पर परमेशरे अहांजो मेल-मलापा खातर सद्दीरा।

1 कुरिन्थियों 7:25

क्वारियाँ रे बारे च सै स्वाल जे तुहें पुच्छया था तिसरा जबाब हऊँ देणा चांह: प्रभुये रिया तरफा ते कोई हुक्म मिन्जो नीं मिलया, पर प्रभुये रिया दया ते बफादार हुणे रे नाते हऊँ अपणी राय देआं।

1 कुरिन्थियों 7:40

पर जे सै तियां इ रैई जो, तां सै जादा धन्या इ। ये मेरा बिचार आ कने हऊँ समझां भई परमेशरा रा आत्मा मांह च बी आ।

1 कुरिन्थियों 7:6

पर हऊँ ये हुक्मा रे रुपा च नीं, पर अनुमतिया रे रुपा च बोलां।