1 कुरिन्थियों 6:20 - बिलासपुरी नौआं नियम

²⁰ काँह्भई तुहांजो दाम देईने खरीदया गईरा, इस खातर अपणे शरीरा रे जरिये परमेशरा री महिमा करा।

1 कुरिन्थियों 6:20 ပူးပေါင်းရင်းမြစ်များ

मत्ती 5:16

तियां इ तुहांरी जिन्दगी उजाले साई माहणुआं रे सामणे चमको भई सै तुहांरे खरयां कम्मां जो देखीने तुहांरे पिता री बडयाई करो, सै जे स्वर्गा चा।”

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

रोमियो 12:1

इस खातर मेरे साथी विश्वासियो, परमेशरा री महान दया रिया वजह ने हऊँ तुहांजो विनती कराँ, भई अप्पूँजो पवित्र, इक जिऊंदा बलिदान्ना रे रुपा च परमेशरा जो खुश करदे हुये अर्पण करा। परमेशरा री अराधना करने रा येई सही तरीका।

रोमियो 6:19

हऊँ ये उदाहरण इस खातर इस्तेमाल करी रां काँह्भई तुहांरे खातर ये समझणा मुश्किल आ। तियां जे तुहें खुद अप्पूँजो दास्सा साई बुरयां कम्मां रे खातर अपवित्रता कने बुराईया रे खातर सौंपया था, तियां इ हुण तुहें अप्पूँजो परमेशरा रिया सेवा रे खातर सौंपी देआ, ताकि तुहें पूरी तरह तिसरे हुणे।

1 कुरिन्थियों 10:31

इस खातर तुहें चाये खाओ, चाये पीओ, चाये जो किछ करो, सब किछ परमेशरा रिया महिमा रे खातर करा।

1 कुरिन्थियों 7:23

परमेशरे दाम देईने तुहांजो खरीदी लरा इस खातर लोकां रे दास मत बणा।

गलातियां 3:13

मसीह अहांरे खातर शरापित हुणे रे जरिये तिने अहांजो व्यवस्था रे शरापा ते छडवाया, तियां जे पवित्रशास्त्र बोला: “हर कोई सै जे लकड़ा पर टंगाया जां, शापित आ।”

फिलिप्पियां 1:20

मेरी ये बड्डी इच्छा कने आशा इ भई मांह किसी बी गल्ला च शर्मिन्दा नीं हूणा पर हुण पूरे हौंसले ने तियां जे मेरे सारयां कम्मां कने गल्लां ते मसीह री महिमा हमेशा हुन्दी रैई, तियां इ अग्गे बी हुन्दी रैहणी; चाये हऊँ जीऊं या मरी जाऊँ।

इब्रानियों 9:12

बकरयां कने बछड़यां रे खून्ना जो लेईने मसीहे प्रवेश नीं कित्या था वल्कि हमेशा-हमेशा रे खातर भेन्टा रे रुपा च अपणे इ लहूये जो लेईने परमपवित्र स्थाना च प्रवेश हुया था। ये करने रे जरिये तिने अहांजो अहांरे पापां ते सदा खातर छडवाया।

1 पतरस 1:18

काँह्भई तुहें जाणाँ ये भई तुहांरा निकम्मा चालचलन सै जे पूर्वजां रे वगता ते चलया आई कराँ तिसते तुहांरा छुटकारा चान्दी, सोने साई या नाशवान चिज़ां ते नीं हुई;

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

2 पतरस 2:1

तियां जे एस्राइली लोकां च झूट्ठे भविष्यवक्ता थे, विल्कुल तियां इ तुहां च बी झूट्ठे शिक्षक परगट हुणे, कने छिपिने झूट्ठी शिक्षा देणी, तिसते जे लोकां मसीह पर विश्वास करना छडी देणा। इन्हां झूट्ठे शिक्षकां बी मसीह जो अपणे स्वामिये रे रुपा च ग्रहण करने ते इन्कार करना तिने जे तिन्हांजो पापां ते अजाद कित्तिरा। येढ़ा करीने तिन्हां खुद अचानक अपणा नाश करना।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,