1 कुरिन्थियों 6:19 - बिलासपुरी नौआं नियम

¹⁹ क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

1 कुरिन्थियों 6:19 ပူးပေါင်းရင်းမြစ်များ

यूहन्ना 2:21

पर अपणिया गल्ला च यीशुये तिस मन्दरा रा जे जिकर कित्या था सै तिसरा अपणा इ शरीर था।

रोमियो 8:9

पर तां जे भई परमेशरा रा आत्मा तुहां च वास कराँ, तां तुहें पापी स्वभावा ने नीं पर पवित्र आत्मा रे मुतावक जीयें। जे किसी च मसीह रा आत्मा निआं तां सै मसीह रा जन नींआं।

1 कुरिन्थियों 3:16

क्या तुहें नीं जाणदे भई तुहें परमेशरा रा मन्दर ये, कने परमेशरा रा आत्मा तुहां च वास कराँ।

1 कुरिन्थियों 6:13

तुहां चते किछ लोक ये बोलां ये, “रोटी पेट्टा रे खातर इ कने पेट रोटिया रे खातर आ,” पर परमेशरा दुईं जो नाश करना। शरीर व्यभिचारा खातर नींआ, पर प्रभुये खातर आ; कने प्रभु शरीरा रे खातर आ।

1 कुरिन्थियों 6:3

क्या तुहें नीं जाणदे भई अहां दूतां रा न्याय करना? तां तिसरिया तुलना च जिन्दगिया रे हर रोज के छोट्टे-मोटे झगड़े क्या ये?

2 कुरिन्थियों 5:15

कने सै सारयां लोकां खातर मरया काँह्भई सै लोक जे ज्यून्दे, सै अपणे खातर नीं जीओ, बल्कि तिसरे खातर जीओ सै जे मरने ते बाद भीं ते जिऊंदा हुईग्या।

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

याकूब 4:5

क्या तुहें पवित्रशास्त्रा च लिखी रिया इसा गल्ला जो बेकार समझां ये, “परमेशरे अहांजो जीवन दित्या इसा वजह ते सै मजबूतिया ने चाँह भई अहें सिर्फ तिसरे इ ओ।”

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।