1 कुरिन्थियों 6:11 - बिलासपुरी नौआं नियम

¹¹ कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

1 कुरिन्थियों 6:11 ပူးပေါင်းရင်းမြစ်များ

मत्ती 20:4

तिने मजदूरां जो बोल्या, तुहें बी जाईने मेरे बगीचे च काम्म करा, मांह तुहांजो ठीक मजदूरी देणी, इस खातर सै चलीपे।

लूका 18:14

हऊँ तुहांजो बोल्लां, भई सै दुज्जा नीं; पर येई पापी माहणु परमेशरा रे सामणे धर्मी ठैहरया, कने अपणे घरा जो वापस गया; पर फरीसिये सौगी येढ़ा नीं हुया, काँह्भई सै जे कोई अप्पूँजो महान समझगा, तिसजो परमेशरा नम्र बनाणा, पर सै जे कोई अप्पूँजो नम्र बणांगा, तिस्सो परमेशरा आदर देणा।”

यूहन्ना 13:10

यीशुये तिस्सो बोल्या, इक माहणु सै जे नहाई चुक्कीरा तिस्सो सिर्फ अपणे पैरां जो धोणे री जरूरत इ; तुहें सारे शुद्ध ये पर सारे इ नीं।

यूहन्ना 13:8

पतरसे तिसने बोल्या, मांह कदीं बी अपणे पैर तेरते नीं धुआणे। यीशुये तिस्सो जवाब दित्या, जे हऊँ तेरे पाँव नीं धोऊं तां तेरी मेरे सौगी कोई संगती नीं।

यूहन्ना 5:4

काँह्भई इक येढ़ा बगत हुआं था ताहली जे परमेशरा रे स्वर्गदूत कुण्डा च आईने पाणिये जो हिलां थे। पाणिये रे हिल्दे इ पैहले सै जे कोई कुण्डा च उतराँ, सै अपणियां सारियां बमारियां ते ठीक हुई जां था, चाये तिसरी कोई बी बमारी काँह नीं ओ।

प्रेरितां 13:39

कने तिन्हां गल्लां च जे तुहें मूसा री व्यवस्था रे जरिये निर्दोष नीं ठैहरी सकदे थे, तिन्हांई सब्बीं च हर इक विश्वास करने औल़ा यीशु मसीह जरिये निर्दोष ठैहरया।”

प्रेरितां 22:16

हुण देर काँह करया राँ? उट्ठ बपतिस्मा लै, कने यीशु मसीह पर विश्वास कर ताकि परमेशर तेरे पाप माफ करो’।”

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

रोमियो 3:24

पर परमेशरा रे अनुग्रह ते तिने अहांजो यीशु मसीह रे जरिये मुख्ता च ग्रहण कित्या कने अहांरे पापां रिया सजा ते छुटकारा दित्या।

रोमियो 4:5

माहणुये रे किसी कम्मा रिया वजह ते परमेशर तिसजो धर्मिये रे रुपा च ग्रहण नीं करदा, पर सै जे पापी लोकां जो धर्मी बनाणे औल़े परमेशरा पर विश्वास करां, तिसरा विश्वास तिसरे खातर धार्मिकता गिणया गया।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

रोमियो 5:9

काँह्भई हुण तां जे अहें तिसरे खून्ना रिया वजह ते धर्मी बणिगे, तां हुण तिसरे जरिये न्याय रे दिन परमेशरा रिया सजा ते जरूर बची जांणे।

रोमियो 8:30

फेरी तिन्हांजो जे तिने पैहले ते तैह कित्या, तिन्हाजो बी तिने चुणया, कने सै जे तिने चुणे, सै तिने धर्मी घोषित कित्ते, कने तिन्हाजो जे तिने धर्मी घोषित कित्या, तिन्हां सौगी तिने अपणी महिमा बी बन्डी।

रोमियो 8:33

कोई बी अहांजो परमेशरा रे सामणे दोष नीं देई सकदा काँह्भई सैई हाया सै जे अहांजो धर्मी घोषित कराँ।

1 कुरिन्थियों 1:2

हऊँ ये चिट्ठी परमेशरा रिया तिसा कलीसिया रे लोकां जो लिख्या राँ सै जे कुरिन्थुस नगरा ची, तिस्सो जे परमेशरे मसीह यीशुये च पवित्र कित्तिरा कने पवित्र हुणे खातर सद्दीरा; कने तिन्हां सारयां विश्वासियां जो बी सै जे हर जगह अहांरे कने तिन्हारे प्रभु यीशु मसीह रे नौआं री प्राथना कराँ ये।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

1 कुरिन्थियों 12:2

तुहें जाणाँ ये भई ताहली जे तुहें अन्यजाति थे, तां तुहें गुंगियां मूर्तियां रे पिच्छे तियां चलां थे तियां जे तुहांजो चलां थे।

गलातियां 2:16

फेरी भीं अहें ये जाणाँ ये भई कोई माहणु व्यवस्था रे कम्मां ते नीं, पर सिर्फ यीशु मसीह पर विश्वास करने रिया बजह ने धर्मी बणां, अहें खुद बी इस खातर यीशु मसीह पर विश्वास कित्या भई अहें व्यवस्था रे कम्मां ते नीं, पर मसीह पर विश्वास करने ते धर्मी बणो; काँह्भई व्यवस्था रे कम्मां ते कोई बी माहणु धर्मी नीं हूणा।

गलातियां 3:11

पर ये गल्ल साफ हुईगी भई व्यवस्था रे जरिये परमेशरा रे सामणे कोई धर्मी नीं ठैहरदा, काँह्भई पवित्रशास्त्रा रे मुतावक “धर्मी माहणु विश्वासा रे जरिये जिऊंदा रैहणा।”

गलातियां 3:24

इस खातर मसीह रे औणे तक अहांरा मार्गदर्शक कने अहांरी मदद करने खातर व्यवस्था अहांजो दित्ति गईरी थी, ताकि विश्वासा रे जरिये अहें परमेशरा रे सामणे धर्मी बणी सक्को।

गलातियां 3:8

परमेशरे पवित्रशास्त्रा च पैहले तेई दस्सी तरा था, भई परमेशरा अन्यजातियां जो बी तिन्हांरे विश्वासा रे जरिये धर्मी बनाणा, इस खातर ये गल्लां हुणे ते पैहले परमेशरे पैहले तेई अब्राहमा जो ये खुशखबरी सुणाईती थी “सारी जातियां तेरे जरिये आशीष पाणी।”

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

इफिसियां 5:8

ये हऊँ इस खातर बोल्ली कराँ भई इक बगत था ताहली जे तुहें अन्धकारा च थे, पर हुण तुहें प्रभुये च ज्योति ये; इस खातर ज्योतिया रे बच्चयां साई जीओ।

2 थिस्सलुनीकियां 2:13

अरे साथी विश्वासियो, कने प्रभुये रे प्यारे लोको, अहांजो तुहांरे खातर लगातार परमेशरा रा धन्यवाद करना चाहिन्दा, काँह्भई परमेशरे तुहांजो शुरु तेई पवित्र आत्मा रे जरिये पापा ते लग करीने कने सच्चाईया च तुहांरे विश्वासा रिया वजह ने छुटकारे खातर चुणीलरा।

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।

इब्रानियों 2:11

काँह्भई पवित्र करने औल़ा कने सै जे पवित्र कित्ते जायें, तिन्हां सारयां रा पिता इक इ हाया; इस वजह ते यीशु तिन्हांजो भाई-भैण बोलणे ते नीं शर्मान्दा।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,

1 यूहन्ना 2:12

प्यारे बच्चो, हऊँ तुहांजो इस खातर लिखिराँ, काँह्भई यीशु मसीह रिया बजह ने तुहांरे पाप माफ हुईरे।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।