1 कुरिन्थियों 4:9 - बिलासपुरी नौआं नियम

⁹ मिन्जो येढ़ा लगां भई परमेशरे अहां प्रेरितां जो जलूसा च मौती री सजा पाईरे माहणुये साई सब्बीते आखिरी जगह च रखीरा। अहें सारे संसार, स्वर्गदूतां कने माहणुआं रे सामणे इक तमाशा बणीगरे।

1 कुरिन्थियों 4:9 ပူးပေါင်းရင်းမြစ်များ

प्रेरितां 19:29

कने सारे नगरा च बड़ा हल्ला मचीग्या, कने मकिदुनिया वासी गयुस कने अरिस्तर्खुस जो सै जे पौलुसा सौगी यात्रा करया राँ थे, पकड़ी लया, कने इक्की सौगी रंगमंचा खौ दौड़ीगे।

प्रेरितां 19:31

आसिया रे हाक्मा चते बी तिसरे कईयें मित्रें तिसलौ ये बोल्ली भेज्या कने विनती किति भई नाटकशाला च जाईने जोखम देखां लेन्दा।

रोमियो 8:36

तियां जे पवित्रशास्त्रा च लिखिरा, “परमेशरा रे खातर हर रोज लोक अहांजो मारने री धमकी दें; कने अहां लोकां जो सै बढणे औल़ी भेड्डां साई समझां ये।”

1 कुरिन्थियों 15:19

जे अहें सिर्फ इसा इ जिन्दगिया च मसीह ते आशा रक्खां ये, तां अहें दुज्यां सब माहणुआं ते जादा बदनसीब ये।

2 कुरिन्थियों 11:23

क्या सैई मसीह रे सेवक ये? हऊँ पागला साई बोलां, हऊँ त तिन्हांते बी बड्डा मसीह रा दास आ! मैं तिन्हांते बौहत कठण मेहणत कित्तिरी; हऊँ कई बार जेल्ला गया; मिन्जो अनगिणत बार कुट्टया गया, कने लगातार मिन्जो मौती रा सामना करना पैया।

2 कुरिन्थियों 6:9

किछ लोक अहांजो अंजाण समझां ये, जबकि अहौं सारे जाणाँ ये; अहें मूईरे समझे जायें, पर फेरी भीं अहें जिऊंदा ये; अहांजो सजा त दित्ति जाँई, पर अहें प्राणा ते मारे नीं जान्दे।

1 थिस्सलुनीकियां 3:3

ताकि कोई अजकयां इन्हां कलेशां रिया वजह ने विचलित नीं हुई जाओ। काँह्भई तुहें त जाणाँ इ हाये भई अहांजो त कल़ेशां रेई खातर भेज्जिरा।

इब्रानियों 1:14

तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

इब्रानियों 10:33

कोई वगत था ताहली जे लोक, लोकां रे सामणे तुहांरा अपमान कराँ थे कने दुख देआं थे। कने कदीं तिन्हां सौगी जे येढ़ा बर्ताव कित्या जाया राँ था, तुहें तिन्हांरी मदद कित्ती।

इब्रानियों 11:36

किछ लोकां रा त मजाक बणाया गया था; कने कोड़े खाये जबकि किछ होर लोक बन्हे गये, कने किछ लोकां जो जंजीरा ने जकड़ीने जेल्ला च पाई दित्या गया।