1 कुरिन्थियों 4:5 - बिलासपुरी नौआं नियम

⁵ इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

1 कुरिन्थियों 4:5 ပူးပေါင်းရင်းမြစ်များ

मत्ती 10:26

“इस खातर तिन्हां लोकां ते मत डरा, सै जे तुहांजो धमकी दें। सै वगत आया रां ताहली जे सब किछ सामणे आई जाणा; सै नीं चाहन्दा भई तिसरी सच्चाई छुपीरी रौ, सै जे किछ छुपीरा सब सामणे ल्यान्दया जाणा।

मत्ती 24:30

तिस बगत माहणुये रे पुत्रा रे औणे रा नशाण अम्बरा च परगट हूणा, कने फेरी धरतिया पर सारी जातियां रे लोकां छाती पिट देयां बलाप करना; कने तिन्हां माहणुये रे पुत्रा जो बड्डिया सामर्थ कने महिमा सौगी स्वर्गा रे बद्दल़ा पर औन्दे देखणा।

मत्ती 24:46

आशीषित आ सै दास, ताहली जे तेरा स्वामी औआं तां तिज्जो काम्म करदे हुये देक्खां।

मत्ती 25:21

तिसरे मालके तिसने गलाया, शाबाश! तू भरोसे रे लायक खरा सेबक आ, तैं थोड़िया जेईया रकमा च मेरा विश्वास जित्तिल्या; माह तिज्जो मतियां चिज़ां रा अधिकार देणा। औ कने मेरने खुशी मना।

मत्ती 25:23

तिसरे मालके तिसने गलाया, ‘शाबाश! तू भरोसे रे लायक खरा सेबक आ, तैं थोड़िया जेईया रकमा च मेरा विश्वास जित्तिल्या; माह तिज्जो मतियां चिज़ां रा अधिकार देणा। औ कने मेरने खुशी मना।’

लूका 6:37

“दुज्यां पर इल्जाम नीं लगावा, नैत परमेशरा बी तुहां पर इल्जाम लगाणा। किसी री निंध्या नीं करा नैत परमेशरा तुहांरी बी निंध्या करनी। दुज्यां जो माफ करा, तां तुहांजो बी परमेशरा माफ करना।

यूहन्ना 21:22

यीशुये तिस्सो गलाया, जे हऊँ चाऊँ भई मेरे औणे तक सै जिऊंदा रौ, तां इसते तिज्जो क्या? पर तू मेरा चेला बण।

यूहन्ना 21:23

इयां ये गल्लां विश्वासी भाईयां च येत्थी तको फैली गियां भई, तिस चेले नीं मरना। पर यीशुये येढ़ा नीं बोलीरा था भई, तिस चेले नीं मरना। पर ये बोलीरा था, जे, हऊँ चाऊँ भई मेरे औणे तक सै जिऊंदा रौ। तां इसते तिज्जो क्या?

यूहन्ना 5:44

तुहें माह पर विश्वास नीं करी सक्कां ये, काँह्भई तुहें त अप्पूँ बाटियें इक दुज्जे ते आदर लेणा पसन्द कराँ ये, कने तुहें इकमात्र परमेशरा ते तारीफ पाणे री कोशिश नीं करदे।

रोमियो 14:4

तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।

रोमियो 2:1

इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

रोमियो 2:16

ये गल्लां तिस दिन हुणियां ताहली जे परमेशर मेरिया प्रचार कित्ती रिया खुशखबरिया रे मुतावक यीशु मसीह रे जरिये माहणुये रियां गुप्त गल्लां रा न्याय करना।

रोमियो 2:29

पर सच्चा यहूदी सैई हाया तिसरा दिल जे परमेशरा रिया नज़राँ च ठीक आ; कने सच्चा खतना पवित्र आत्मा रे जरिये दिला च हुआं, नां भई लिखी रिया व्यवस्था रे जरिये: येढ़े माहणुये री तारीफ माहणु नीं, बल्कि परमेशर कराँ।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

1 कुरिन्थियों 1:7

इस खातर तियां जे तुहें बौहत बेसब्रिया ने अहांरे प्रभु यीशु मसीह रे औणे रा इन्तजार कराँ ये, तां तुहांले परमेशरा रा हरेक वरदान आ।

1 कुरिन्थियों 11:16

पर जे कोई इस बारे च बैहस करना चाओ, तां सै ये जाणी लो भई नां अहांरी कने नां परमेशरा रिया कलीसियां री ये प्रथा इ।

1 कुरिन्थियों 11:26

काँह्भई ताहली जे कदीं तुहें ये रोटी खांये कने इस कटोरे चते पींये, तां तुहें प्रभुये रे औणे तक तिसरिया मौती रा प्रचार कराँ ये।

1 कुरिन्थियों 15:23

पर हरेक अपणिया-अपणिया बारिया ते: जिऊंदा हुणे औल़यां च पैहले मसीह; फेरी तिसरे औणे पर तिसरे लोक।

1 कुरिन्थियों 3:13

तां परमेशरा रे न्याय रे दिन अग्गी हर किसी रे कम्मा रा गुण परगट करना, जे माहणुये रे कम्मा रा कोई गुण आ तां आग्ग तिसजो दिखांगी।

1 कुरिन्थियों 3:14

जे किसी रा बणीरा काम्म तिसा निऊँआ पर टिकिरा रैआं, तां तिस अपणा ईनाम पाणा।

1 कुरिन्थियों 3:8

बाहणे औल़े कने पाणी देणे औल़े रा इक इ मकसद आ, पर दुईं जो अपणिया मेहणता रे मुतावक मजदूरी परमेशरा ते मिलणी।

2 कुरिन्थियों 10:18

काँह्भई सै जे अपणी बडयाई कराँ, सै नीं पर तिसरी बडयाई जे प्रभु कराँ, सैई परमेशरा रे जरिये ग्रहण कित्या जां।

2 कुरिन्थियों 10:9

हऊँ तुहांजो अपणी चिट्ठियां ने डराणे री कोशिश नीं करी रां।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 5:10

अहें सारयां धरतिया पर रैईने सै जे किछ भला या बुरा काम्म कित्या, तिसरा फल़ पाणे रे खातर मसीह रे न्याय आसणा रे सामणे जरूर हाजर हुणे पौणा।

1 थिस्सलुनीकियां 5:2

काँह्भई तुहें खुद जाणाँ ये भई तियां जे राति जो चोर औआं, तियां इ प्रभु यीशुये रे वापस औणे रा दिन औणे औल़ा।

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।

याकूब 4:11

मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां।

याकूब 5:7

मेरे प्यारे साथी विश्वासियो, प्रभु यीशुये रे औणे तक धीरज रखा। देक्खा करसाण धरतिया री कीमती फसला खातर तदुआं तक तसल्ली रक्खीने इन्तजार कराँ तदुआं तक जे सै शुरु री कने आखरी बरखा नीं देक्खी लेन्दा।

याकूब 5:9

साथी विश्वासियो, अप्पूँ चियें इक्की दूये री शकैतां मता करदे, नैत परमेशरा बी तुहांजो सजा देणी; देक्खा, न्याय करने औल़ा त अन्दर औणे रे खातर दरवाजे पर खढ़िरा।

1 पतरस 1:7

ये इस खातर आ भई तुहांरा विश्वास सच्चा साबित हो, मसीह यीशुये पर तुहांरा विश्वास सियुने ते बी बौहत कीमती आ। तियां जे नाशवान सियुना अग्गी ते परखया कने शुद्ध कित्या जां, तियां इ जे तुहांरा विश्वास समस्यां ते परखया जाणे ते बाद मजबूत बणीरा रौ, तां तुहां तिस दिन प्रशंसा, महिमा कने आदर पाणा ताहली जे यीशु मसीह वापस औणा।

1 पतरस 5:4

ताकि ताहली जे यीशु मसीह औणा सै जे अहांरे प्रधान रखवाल़े साई आ, तां तुहांजो महिमा रा मुकुट मिलणा, सै जे कदीं मुरझान्दा निआं।

2 पतरस 3:12

कने तुहें इस तरिके ने बर्ताव करा ताहली जे तुहें उम्मीदा सौगी परमेशरा रे औणे रे दिना रा इन्तजार कराँ ये, कने तिस दिना जो जल्दी लौणे रे खातर पूरी कोशिश करा। तिस दिन परमेशरा अम्बरा जो अग्गी ने नाश करना कने अम्बरा री सारियां चीजां अग्गी रिया गर्मिया ने पिघल़ी जाणियां।

2 पतरस 3:4

कने तिन्हां बोलणा, “क्या मसीहे दोवारा औणे रा वायदा नीं कित्तिरा था? तां सै किति आ? अहें बोलां ये भई तिस दोवारा नीं औणा, काँह्भई अहांरे पूर्वजां री मौत हुई चुक्कीरी, फेरी बी सब किछ तियां इ चलीरा तियां जे सृष्टिया रे शुरु ते था।”

यहूदा 1:14

हनोक बी सै जे आदमा ते सतवियां पीढ़ियां च था, इन्हांरे बारे च भविष्यवाणी किति थी, “देक्खा, प्रभु अपणे हज़ाराँ-हज़ाराँ पवित्र दूतां सौगी आया रां,

प्रकाशितवाक्य 1:7

देक्खा, मसीह बद्दल़ां सौगी आया रां, कने सारयां तिस्सो देखणा, येत्थी तक भई सै लोक बी तिन्हेंजे तिस्सो भाले ने बिन्हया था; तिन्हां बी तिसखा देखणा, कने संसारा रे सारयां लोकां तिसरिया वजह ते बिलकी-बिलकी ने रोणा। हाँ, ये हूणा। आमीन।

प्रकाशितवाक्य 20:12

कने मैं तिन्हां मूईरयां जो सै जे छोट्टे या बड्डे थे, परमेशरा रे सामणे खढ़िरे देख्या, कने कताबां खोल्ली गईयां; फेरी इक होर कताब खोल्ली गई, यनि जीवना री किताब। मूईरयां रा न्याय तिन्हां कम्मां रे मुतावक हुया तियां जे तिन्हां कताबां च लिख्या हुया था।