1 कुरिन्थियों 4:20 - बिलासपुरी नौआं नियम

²⁰ काँह्भई परमेशरा रा राज गल्लां च नीं पर सामर्था चा।

1 कुरिन्थियों 4:20 ပူးပေါင်းရင်းမြစ်များ

रोमियो 1:16

हऊँ यीशु मसीह रिया खुशखबरिया रे बारे च गर्व कराँ, काँह्भई सै हरेक विश्वास करने औल़े जो छुटकारा देणे रे खातर परमेशरा री सामर्थ इ, फेरी चाये पैहले सै यहूदी ओ या फेरी अन्यजातियां रे लोक ओ।

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

रोमियो 15:19

कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।

1 कुरिन्थियों 1:24

पर जिस किसी जो परमेशरे अपणे लोक हुणे खातर सद्दीरा, चाये यहूदी या यूनानी, दोन्नां रे खातर येई मसीह परमेशरा रा सामर्थ कने परमेशरा रा ज्ञान आ।

1 कुरिन्थियों 2:4

मेरी शिक्षा, कने मेरे प्रचारा च माहणुये रे ज्ञाना री चलाकिया रियां गल्लां नीं थिआं, पर पवित्र आत्मे तुहां पर सामर्थी तरिके ने दस्या,

2 कुरिन्थियों 10:8

कने जे हऊँ अपणे तिस अधिकारा रे बारे च किछ होर घमण्ड करूँ, सै जे प्रभुये तुहांरे विश्वासा जो बिगाड़ने रे खातर नीं बल्कि तुहांजो विश्वासा च मजबूत करने खातर अहांजो दित्तिरा, तां इसरे खातर हऊँ शर्मिन्दा निआं।

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।