1 कुरिन्थियों 4:12 - बिलासपुरी नौआं नियम

¹² कने अहें अपणे हात्थां ने अप्पूँ मेहणत कराँ ये। ताहली जे लोक अहांजो गाल़ी दें, तां अहें तिन्हांजो आशीष देआंये; ताहली जे लोक अहांजो सतायें, तां अहें सही लैं।

1 कुरिन्थियों 4:12 ပူးပေါင်းရင်းမြစ်များ

मत्ती 5:11

“परमेशर तुहांजो आशीष देआं, काँह्भई ताहली जे माहणु तुहांजो मेरा चेला हुणे रिया वजह ने तुहांरी निंध्या करो, कने सताओ, कने झूट्ठ बोल्ली-बोल्लीने तुहांरे बरोधा च हरेक किस्मा री बुरी गल्ल बोल्ले।

मत्ती 5:44

पर हऊँ तुहांजो ये बोलां, भई अपणे दुश्मणां ने प्यार रखा कने अपणे सताणे औल़यां रे खातर प्राथना करा।

लूका 23:34

यीशुये गलाया, “पिता जी, इन्हांजो माफ कर, काँह्भई ये नीं जाणदे भई ये क्या करी रायें।” फेरी सपाईयें पर्चियां पाईने अप्पूँ चियें तिसरे कपड़यां रा बन्डवारा कित्या।

लूका 6:28

सै जे तुहांजो शराप देओ, तिन्हाजो आशीष देआ; सै जे तुहांरी बेईज्जति करो, तिन्हारे खातर प्राथना करा।

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

प्रेरितां 18:3

पौलुस कने अक्विला रा इक जेआ काम्म था, इस खातर सै तिन्हां सौगी रैया कने सै काम्म करने लगे; कने तिन्हांरा तम्बू बनाणे रा काम्म था।

प्रेरितां 20:34

तुहें अप्पूँ जाणाँ ये भई इन्हें इ हत्थें मेरी कने मेरे साथियां री जरूरतां पूरियां कित्तियां।

प्रेरितां 7:60

फेरी गोडे टेक्कीने उचिया अवाज़ा च हाक पाई, “प्रभु, इस पापा खातर इन्हांजो माफ कर।” इसते बाद येढ़ा बोलीने सै मरीग्या।

रोमियो 12:14

अपणे सताणे औल़यां जो आशीष देआ; तिन्हांजो श्राप नीं देआ।

रोमियो 12:20

पर “जे तेरा दुश्मण भुक्खा ओ तां तिस्सो खाणे जो रोटी दे, जे सै त्याह्या तां तिस्सो पीणे जो पाणी दे; काँह्भई जे तू येढ़ा कराँ तां सै तेरते शर्मिन्दा हूणा।”

रोमियो 8:35

किछ बी अहांजो मसीह रे प्यारा ते लग नीं करी सकदा। नां कलेश, या संकट, या अत्याचार, या नकाल़, या नंगापन, या जोखिम, या तलवार।

1 कुरिन्थियों 9:6

क्या सिर्फ मिन्जो कने बरनबासा जोई अपणा जीवन जीणे खातर काम्म करना जरूरी आ?

2 कुरिन्थियों 11:8

मैं होरीं कलीसियां ते अपणी मजदूरी ग्रहण कित्ती, ताकि हऊँ बिणा किसी कीमता ते तुहांरी सेवा करी सक्कूं। इसजो तुहें लुटणा मत बोल्ला।

इफिसियां 4:28

सै जे चोरी करदा आया, सै इसते बाद चोरी नीं करो, बल्कि तिस्सो काम्म करना चाहिन्दा, खुद अपणे हत्थां ने मेहणत करा, ताकि तिसले तिस्सो जे जरूरत इ, तिस सौगी बंडणे जो किछ हुई सक्को।

1 थिस्सलुनीकियां 2:9

काँह्भई हे भाईयो, तुहें अहांरी कड़ी मेहणता कने कठिनाईयां जो याद रखा सै जे अहें दिन-रात इस खातर किति ताकि अहें परमेशरा रिया खुशखबरिया जो सुणान्दे हुये तुहां पर बोझ नीं बणो।

2 थिस्सलुनीकियां 3:8

कने किसी ले मुफ्ता च रोटी नीं खाद्दि; बल्कि अहें कड़िया मेहणता ने रात-दिन काम्म करदे रै, ताकि अहांजो अपणियां जरूरतां रे खातर तुहां चते किसी पर बि निर्भर होणा नीं पौ।

1 तिमुथियुस 4:10

अहें मेहणत कने कोशिश इस इ खातर कराँ ये भई अहांरी आशा तिस जीवते परमेशरा पर इ सै जे सब माहणुआं रा कने खास कर विश्वासियां रा छुटकारा करने औल़ा।

1 पतरस 2:23

तिने गाल़ी सुणीने गाल़ी नीं दित्ति, कने दुख सैहीने किसी जो बी धमकी नीं दित्ति; बल्कि तिस सच्चा न्याय करने औल़े परमेशरा रे अग्गे तिने खुद अप्पूँजो सौंपीत्या।

1 पतरस 3:14

पर जे तुहें सही काम्म करने पर दुख सैयां ये, तां तुहांजो परमेशरा आशीष देणी, तियां जे यशायाह भविष्यवक्ते लिखिरा तियां करा, “तिन्हांरे डराणे ते मत डरा कने नां घबरावा।”

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।

1 पतरस 4:19

इस खातर सै जे परमेशरा रिया इच्छा रे मुतावक दुख सैहण कराँ ए, सै अप्पूँजो सृष्टिया रे रचणे औल़े बफादार रे हत्थां च सौंपी दो कने भले काम्म करदे रौ।

यहूदा 1:9

पर प्रधान स्वर्गदूत मीकाईल, ताहली जे शैतान्ना ने मूसा रिया लाशा रे बारे च बैहस करया राँ था, तां बी तिसरे खिलाफ तिने बेईज्जत करने औल़यां शब्दां ने तिसरी निंध्या करने री हिम्मत नीं कित्ती, पर तिने बोल्या, “प्रभु तिज्जो डान्टो।”