1 कुरिन्थियों 4:11 - बिलासपुरी नौआं नियम

¹¹ अहें अज्जा तकौ भूखे, त्याये, कने फटे पुराणे कपड़े पैहनां ये, कने मार खांये, कने बेघर रैं;

1 कुरिन्थियों 4:11 ပူးပေါင်းရင်းမြစ်များ

मत्ती 8:20

यीशुये तिसने गलाया, “गिदड़ियां ले तिन्हांरी कुड कने अम्बरा रे पंछियां रे आलणे हुआं ये; पर माहणुये रे पुत्रा ले सौणे रे खातर बी अपणा घर नींआ।”

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 16:23

बौहत बैंत मरवाई ने तिन्हें तिन्हांजो जेल खाणे च पाईत्या कने दरोगे जो हुक्म दित्या भई तिन्हांजो चौकसिया ने रखो।

प्रेरितां 23:2

तां हनन्याह महायाजके सै जे तिसले खढ़िरे थे, तिन्हांजो पौलुसा रे मुँआं पर थप्पड़ मारने रा हुक्म दित्या।

रोमियो 8:35

किछ बी अहांजो मसीह रे प्यारा ते लग नीं करी सकदा। नां कलेश, या संकट, या अत्याचार, या नकाल़, या नंगापन, या जोखिम, या तलवार।

1 कुरिन्थियों 9:4

क्या अहांजो तुहांरे खाणे-पीणे च शामिल हुणे रा अधिकार निआं?

2 कुरिन्थियों 11:20

काँह्भई जे कोई तुहांजो दास बणाये, तुहांरा शोषण करो, तुहांजो किसी जाल़ा च फसाये, अप्पूँजो तुहां ते बड्डा बणाये या तुहांरे मुँआं पर चपैड़ मारो, तां तुहें तिसजो सैहण करी लें।

2 कुरिन्थियों 4:8

अहें चऊँ तरफां ते दुख तकलीफां त भोगां ये, पर संकटां च नीं पौंदे; अहें डरीरे त हये, पर निराश नींये।

फिलिप्पियां 4:12

हऊँ थोड़े च बी जीणा सिखी गरा कने ताहली जे मेरले काफी आ तां बी मैं जीणा सिखीरा; हर इक गल्ला कने हर इक हालाता च मैं तृप्त हूणा सिखीरा, ताहली जे मेरले खाणे रे खातर बौहत किछ आ कने बौहत कम आ कने चाये मेरले मेरिया जरूरता ते जादा या कम आ।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।