1 कुरिन्थियों 3:9 - बिलासपुरी नौआं नियम

⁹ काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

1 कुरिन्थियों 3:9 ပူးပေါင်းရင်းမြစ်များ

मत्ती 15:13

यीशुये जबाब दित्या, “मेरे स्वर्गीय पिता तिन्हां सब्बीं जो लग करी देणा सै जे तिसरियां गल्लां ते बखरी शिक्षा दें।

मत्ती 16:18

हऊँ बोलां भई तू पतरस आ, कने तू माह च विश्वास करने औल़यां निऊँ हूणा, तियां जे भई इक बड्डी चट्टान किसी घरा री निऊँ हुआं इ; कने तिस पर मौती रा कोई जोर नीं चलना।

मत्ती 9:37

फेरी यीशुये अपणे चेलयां ने गलाया, “बौहत लोक सै जे मेरा सन्देश सुणने रे खातर त्यार ये सै तिस खेता साई ये सै जे फसला रिया बिजाईया खातर त्यार आ, पर मेरा सन्देश लोकां जो सुनाणे औल़े बड़े कम लोक ये।

मरकुस 16:20

कने चेलयां यरूशलेम नगरा ते निकल़ीने सारियें जगहें प्रचार कित्या, कने प्रभु तिन्हां सौगी काम्म करदा रैया, कने चमत्कारी नशाण दस्सीने तिने लोकां जो साबित कित्या भई परमेशरा रा वचना सच्चा। आमीन।

प्रेरितां 4:11

मसीह यीशु इ सै पत्थर आ तिस्सो जे तुहें राजमिस्त्रियें नकम्मा जाणया कने सै कुणे रे सिरे रा पत्थर हुईग्या।

1 कुरिन्थियों 3:16

क्या तुहें नीं जाणदे भई तुहें परमेशरा रा मन्दर ये, कने परमेशरा रा आत्मा तुहां च वास कराँ।

1 कुरिन्थियों 3:6

जे हऊँ इक्की बगीचे ने तुहांरी तुलना करूँ, तां हऊँ इक येढ़े माहणुये साई आ तिने जे ब्यू बाहया कने अपुल्लोसे पाणी दित्या, पर परमेशरे इसजो बधाया।

1 कुरिन्थियों 6:19

क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

इफिसियां 2:10

काँह्भई परमेशर अहांरा बनाणे औल़ा, तिने मसीह यीशु च अहांरी सृष्टि इस खातर कित्ती भई अहें भले काम्म करो, तिन्हांजो जे परमेशरे पैहले ते अहांरे खातर त्यार कित्तिरा।

कुलुस्सियां 2:7

कने तिस ची मजबूत हुन्दे जावा तियां जे इक पेड़ धरतिया च जड़ पकड़ां; कने लगातार तिस ची अपणे विश्वासा जो बधान्दे जावा, कने परमेशरा रा जादा ते जादा धन्यवाद करदे रौआ।

1 तिमुथियुस 3:15

भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

3 यूहन्ना 1:8

इस खातर अहां विश्वासियां जो येढ़े लोकां री मदद करनी चाहिन्दी ताकि अहें इक साथ सच्चाईया रे प्रचारा रे खातर काम्म करी सक्को।