1 कुरिन्थियों 3:8 - बिलासपुरी नौआं नियम

⁸ बाहणे औल़े कने पाणी देणे औल़े रा इक इ मकसद आ, पर दुईं जो अपणिया मेहणता रे मुतावक मजदूरी परमेशरा ते मिलणी।

1 कुरिन्थियों 3:8 ပူးပေါင်းရင်းမြစ်များ

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

लूका 19:19

राजे तिस्सो गलाया, शाबाश, तिज्जो मेरे सच्चे पक्के सेबक! तिज्जो पंज्जां नगराँ रा अधिकारी बणाया जां।

रोमियो 2:6

तिस हरेक माहणुये रा तिन्हांरे कर्मां रे मुज़ब न्याय करना।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

1 कुरिन्थियों 3:14

जे किसी रा बणीरा काम्म तिसा निऊँआ पर टिकिरा रैआं, तां तिस अपणा ईनाम पाणा।

1 कुरिन्थियों 3:7

इस खातर नां ब्यू बाहणे औल़ा खास आ कने नां पाणी देणे औल़ा खास आ, पर सिर्फ परमेशर इ खास आ सै जे ब्यूआ जो बधां।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

1 कुरिन्थियों 4:15

काँह्भई जे मसीह च तुहांरे सखाणे औल़े दस हजार बी हुंदे, तां बी तुहांरे बौहत पिता नींये; काँह्भई मसीह यीशु च खुशखबरिया रे जरिया हऊँ तुहांरा पिता हुया।

1 कुरिन्थियों 9:7

येढ़ा कुण सिपाई आ सै जे अपणे खर्चे ते फौजा च सेवा कराँ? कुण अंगूरां रा बगीचा लाईने तिसरा फल़ नीं खांदा? कुण भेडां री रखवाली करीने तिन्हांरा दुध नीं पींदा?

गलातियां 6:4

पर अपणे कम्मां री जाँच-पड़ताल़ हरेक माहणुये जो खुद करना चाहिन्दा, येढ़ा करने ते तिस्सो खुद अप्पूँ पर किसी दूये ने फर्क कित्ते बगैर, गर्व करने रा अवसर मिलणा।

गलातियां 6:5

काँह्भई हर इक माहणु अपणे व्यवहारा खातर खुद जिम्मेवार आ।

इब्रानियों 6:10

काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।

1 पतरस 5:4

ताकि ताहली जे यीशु मसीह औणा सै जे अहांरे प्रधान रखवाल़े साई आ, तां तुहांजो महिमा रा मुकुट मिलणा, सै जे कदीं मुरझान्दा निआं।

2 यूहन्ना 1:8

इस खातर तुहें चौकस रौआ भई ये लोक तुहांजो भरमाओ नीं, ताकि परमेशरा री सेवा करने खातर तुहांरी मेहणत बेकार नीं हुईजो, पर तुहें इसरा पूरा ईनाम पाई सक्को।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।

प्रकाशितवाक्य 22:12

यीशुये बोल्या, देख, हऊँ जल्द औणे औल़ा; कने हर इक्की रे कम्मां रे मुतावक बदला देणे रे खातर ईनाम मेरले आ।