1 कुरिन्थियों 3:6 - बिलासपुरी नौआं नियम

⁶ जे हऊँ इक्की बगीचे ने तुहांरी तुलना करूँ, तां हऊँ इक येढ़े माहणुये साई आ तिने जे ब्यू बाहया कने अपुल्लोसे पाणी दित्या, पर परमेशरे इसजो बधाया।

1 कुरिन्थियों 3:6 ပူးပေါင်းရင်းမြစ်များ

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 14:27

तित्थी पुज्जी ने तिन्हें कलीसिया रे लोकां जो कट्ठा कित्या कने दस्या भई परमेशरे तिन्हां सौगी हुईने कितणे बड्डे-बड्डे काम्म कित्ते, कने परमेशरे अन्यजाति लोकां जो कियां यीशु मसीह पर विश्वास करने रे लायक बणाया।

प्रेरितां 16:14

लुदिया नौआं री थुआतीरा नगरा री बैंगणी कपड़े बेचणे औल़ी परमेशरा री इक भगतणी सुणया राँ थी। परमेशरे तिसारा मन खोल्या भई सै पौलुसा रिया गल्लां पर चित लगाओ।

प्रेरितां 18:24

अपुल्लोस नौआं रा इक यहूदी माहणु, तिसरा जन्म जे सिकन्दरिया नगरा च हुईरा था, सै जे विद्वान माहणु कने पवित्रशास्त्रा जो खरे ढंगा ने जाणाँ था, इफिसुस च आया।

प्रेरितां 19:1

ताहली जे अपुल्लोस कुरिन्थुस नगरा च था, तां पौलुस तिसा जगह जो छड्डिने फ्रूगिया कने गलातिया प्रदेशां च घुम्मी-फिरीने बाद बिच इफिसुस च आया। तित्थी सै किछ चेलयां ने मिलया तिन्हें बोल्या अहें विश्वासी ये

प्रेरितां 21:19

तां तिने तिन्हांजो नमस्कार करीने, जो-जो काम्म परमेशरे तिसरिया सेवा रे जरिये अन्यजातियां च कित्तिरे थे, इक-इक करीने सब दस्से।

रोमियो 15:18

काँह्भई हऊँ सिर्फ तिन्हां गल्लां जोई बोलणे री हिम्मत करी सक्कां सै जे मसीहे अन्यजातियां बिच परमेशरा जो मनणे खातर मेरे जरिये कित्या। सै तिने वचन कने कर्मा रे जरिये,

1 कुरिन्थियों 1:12

मेरे कैहणे रा मतलब येआ भई तुहां चते कोई अप्पूँजो, “पौलुसा रा” कोई “अपुल्लोसा रा” कोई “कैफा रा” तां कोई “मसीह रा” बोलां।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

1 कुरिन्थियों 3:22

क्या पौलुस, क्या अपुल्लोस, क्या कैफा, क्या संसार, क्या जीवन, क्या मरण, क्या वर्तमान, क्या भविष्य, सारा किछ तुहांरा इ हाया,

1 कुरिन्थियों 3:7

इस खातर नां ब्यू बाहणे औल़ा खास आ कने नां पाणी देणे औल़ा खास आ, पर सिर्फ परमेशर इ खास आ सै जे ब्यूआ जो बधां।

1 कुरिन्थियों 9:1

क्या हऊँ अजाद माहणु निआं? क्या हऊँ प्रेरित निआं? क्या मैं यीशुये जो सै जे अहांरा प्रभु आ, नीं देख्या? क्या तुहें प्रभुये च मेरिया मेहणता रा नतीजा नींये?

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।