1 कुरिन्थियों 3:16 - बिलासपुरी नौआं नियम

¹⁶ क्या तुहें नीं जाणदे भई तुहें परमेशरा रा मन्दर ये, कने परमेशरा रा आत्मा तुहां च वास कराँ।

1 कुरिन्थियों 3:16 ပူးပေါင်းရင်းမြစ်များ

यूहन्ना 14:17

यनिके पवित्र आत्मा तिसजो जे संसारा रे लोक ग्रहण नीं करी सकदे, काँह्भई सै नांत इस्सो जाणाँ ये कने नांई देखी सक्कां ये; पर तुहां तिसरा पता, काँह्भई तिस सदा तुहांजो रैहणा कने तुहां च वास करना।

रोमियो 6:16

तुहें जाणाँ ये भई ताहली जे तुहें किसी रा हुक्म मनणे खातर अप्पूँजो सेवका रे रुपा च तिस्सो सौंपी दें, तां तुहें सेबक हुये : फेरी चाये तुहें पापा रे दास बणा, तिसरा जे अन्त मौत इ, कने चाये तुहें हुक्मा रा पालन करा, सै जे तुहांजो धार्मिकता री ओर लेई जान्गा।

रोमियो 6:3

तुहें जाणाँ ये भई ताहली जे अहें मसीह यीशुये सौगी इक हुणे रे खातर बपतिस्मा लेआ था, तां अहें तिस सौगी मरीगे थे।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

रोमियो 8:9

पर तां जे भई परमेशरा रा आत्मा तुहां च वास कराँ, तां तुहें पापी स्वभावा ने नीं पर पवित्र आत्मा रे मुतावक जीयें। जे किसी च मसीह रा आत्मा निआं तां सै मसीह रा जन नींआं।

1 कुरिन्थियों 3:17

जे कोई परमेशरा रे मन्दरा जो नाश करगा तां परमेशरा तिसजो नाश करना; काँह्भई परमेशरा रा मन्दर पवित्र आ, कने सै मन्दर तुहें।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

1 कुरिन्थियों 5:6

तुहांरा घमण्ड करना ठीक निआं; क्या तुहें नीं जाणदे, भई थोड़ा जेआ खमीर पूरे गुन्हीरे आट्टे जो खमीर करी देआं? तियां इ ये पाप खमीरा साई दुज्या लोकां च बी फैल्ली सक्कां।

1 कुरिन्थियों 6:16

क्या तुहें नीं जाणदे भई तिसरा मिलन जे वेश्या ने हुआं, सै तिसाने सौगी इक शरीर हुई जां? काँह्भई पवित्रशास्त्रा च लिखिरा, “सै दोन्नों इक शरीर होणे।”

1 कुरिन्थियों 6:19

क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

1 कुरिन्थियों 6:9

क्या तुहें नीं जाणदे भई अन्यायी लोक परमेशरा रे राज्जा रे वारस नीं हुणे? खुद अप्पूँजो धोखा नीं देआ, नां वैश्यगामी, नां मूर्तीपूजक, नां पराई जनाना ने गल़त करना, नां लुच्चे, नां पुरुषगामी,

1 कुरिन्थियों 9:13

क्या तुहें नीं जाणदे भई सै जे मन्दरा च सेवा कराँ ये, तिसरा खाणा-पीणा मन्दरा तेई हुआं; कने सै जे वेदिया री सेवा कराँ ये, सै वेदिया पर बल़ि कित्ती रियां चीजां च हिस्सेदार हुआं ये?

1 कुरिन्थियों 9:24

क्या तुहें नीं जाणदे भई दौड़ा च त सब दौड़ां ये, पर ईनाम इक्की जोई मिलां? इस खातर तुहें इयां दौड़ा भई ईनाम जित्तो।

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

1 तिमुथियुस 3:15

भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

2 तिमुथियुस 1:14

पवित्र आत्मा रिया सामर्था रे जरिये सै जे अहां च वास कराँ तिसा सच्चाईया री रखवाल़ी कर सै जे तिज्जो सौपी गईरी।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

1 यूहन्ना 4:12

परमेशरा जो किन्हिये कदीं नीं देख्या, पर जे अहें इक्की दूये ने प्यार रखिये, तां परमेशर अहां च बास कराँ कने तिसरा प्यार अहांरे अन्दर पूरा हुईग्या।