1 कुरिन्थियों 2:6 - बिलासपुरी नौआं नियम

⁶ फेरी भीं परिपक्व विश्वासियां च अहें ज्ञाना रा सन्देश सणवांयें, पर इस संसारा रे हाक्मां रा ज्ञान नीं; सै जे नाश हुणे औल़े;

1 कुरिन्थियों 2:6 ပူးပေါင်းရင်းမြစ်များ

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

मत्ती 19:21

यीशुये तिसने गलाया, “जे तू सिद्ध हूणा चाँह, तां जा, अपणा सब किछ बेच्चीने गरीबां जो बंडी दे; कने तिज्जो स्वर्गा च धन मिलणा; कने आईने मेरा चेला बण।”

मत्ती 5:48

तुहौं तिन्हां लोकां ने प्रेम करने री जरूरत इ सै जे तुहांजो प्यार नीं करदे, इस इ तरिके ने तुहां सिद्ध हूणा तियां जे स्वर्गा च रैहणे औल़ा तुहांरा पिता परमेशर सिद्ध आ।”

लूका 16:8

“मालके तिस बेईमान भण्डारीये री तारीफ किति काँह्भई तिने चलाकिया ने काम्म कित्त्या। फेरी यीशुये गलाया, ये सच्ची गल्ल इ भई इस संसारा रे लोक सै जे परमेशरा जो नीं मनदे, सै संसारिक गल्लां च धर्मी लोकां ते जादा चलाक ये।

1 कुरिन्थियों 1:28

कने परमेशरे संसारा रे नीच कने त्यागीरे लोकां जो बी चुणील्या तिन्हांजो जे बेकार समझया जां, ताकि सै जे खास समझे जायें तिन्हांजो नाश करो।

1 कुरिन्थियों 12:8

काँह्भई इक्की जो आत्मा ते बुद्धिया रियां गल्लां मिलां इयां, कने किसी दुज्जे जो तिसा इ आत्मा रे मुतावक ज्ञाना रियां गल्लां।

1 कुरिन्थियों 14:20

अरे साथी विश्वासियो, तुहें अपणिया समझा च बालकां साई नीं बणा। फेरी बी बुराईया च त बालक रौआ, पर समझा च सयाणे बणा।

1 कुरिन्थियों 2:1

अरे विश्वासियो, ताहली जे हऊँ परमेशरा रा सन्देश सुणांदा हुआ तुहांले आया, तां मैं बड्डे शब्द इस्तेमाल नीं कित्ते कने अपणी शिक्षा रा प्रदर्शन नीं कित्या।

1 कुरिन्थियों 2:13

येई अहें माहणुये रे ज्ञाना ते सखाई रियां गल्लां च नीं, पर पवित्र आत्मा रियां सखाई रियां गल्लां च, आत्मिक गल्लां जो अहें आत्मिक शब्दां च सुणवांये।

1 कुरिन्थियों 2:8

तिस्सो जे इस संसारा रे हाक्मां चते कोई बी नीं जाणी पाया, काँह्भई जे सै जाणदे, तां सै तेजोमय प्रभुये जो क्रूसा पर नीं चढ़ांदे।

1 कुरिन्थियों 3:1

मेरे साथी विश्वासियो, हऊँ तुहांजो तिसा रितिया ने गल्लां नीं करी सक्कया तियां जे आत्मिक लोकां ने हुआं इयां, पर तियां जे शरीरा रिया इच्छा रे मुतावक चलने औल़यां लोकां ने, कने तिन्हांने सै जे मसीह च छोट्टे बच्चयां साई ये।

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

2 कुरिन्थियों 4:3

जिसा खुशखबरिया रा जे अहें प्रचार कराँ ये, जे तिसजो लोक समझी नीं पायें, तां सै नाश हुणे औल़े लोक इ हाये सै जे समझदे नींये।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

इब्रानियों 5:14

पर रोटी तिन्हां लोकां रे खातर इ सै जे विश्वासा च परिपक्व ये, कने सै जे अनुभवा रे जरिये सही कने गल़ता च फर्क करना जाणाँ ये।

इब्रानियों 6:1

इस खातर औआ मसीह रियां शिक्षां री शुरु रियां गल्लां जो दोहराईये नीं पर विश्वासा च परिपक्व हुन्दे जाईये। अहांजो भीं ते पैहलकिया शिक्षा रे बारे च यनिके मौती रिया तरफा जो लेई जाणे औल़े कम्मां ते मन फिरावा, कने परमेशरा पर विश्वास करना,

याकूब 3:15

येढ़े ज्ञाना रा स्रोत परमेशर नींआ, ये दुनियावी आ, शारीरिक कने शैतान्नी आ।

याकूब 3:2

अहें सारे बौहत गल़तियां कराँ ये, पर सै माहणु जे अपणिया जुबाना जो बशा च करी सक्कां, सै खरा माहणु आ; कने हरेक हालाता च अप्पूँजो बशा च करी सक्कां।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।