1 कुरिन्थियों 2:14 - बिलासपुरी नौआं नियम

¹⁴ पर तिस माहणुये ले जे पवित्र आत्मा नींआ सै परमेशरा रे आत्मा रियां गल्लां ग्रहण नीं करदा, काँह्भई सै तिसरियां नज़राँ च मूर्खता रियां गल्लां इयां, कने सै तिन्हांजो नीं जाणी सक्कां, काँह्भई तिन्हांरी परख आत्मिक रितिया ने हुआं इ।

1 कुरिन्थियों 2:14 ပူးပေါင်းရင်းမြစ်များ

मत्ती 16:23

यीशु तिसरी तरफ मुड़या कने गलाया, “पतरस, मेरे रस्ते ते हटि जा! अरे शैतान! तू मेरे खातर इक अड़चन ई: काँह्भई तू परमेशरा साई नीं, पर माहणुआं साई सोच्चां।”

यूहन्ना 10:20

तिन्हां चते जादातर लोक बोलणे लगे, “तिस पर बुरीआत्मा स्वार इ, कने सै पागल आ; तुहें तिसरी कजो सुणी कराँ ये?”

यूहन्ना 12:37

यीशुये तिन्हांरे सामणे इतणे जादा चमत्कार दस्से, तां बी तिन्हे तिस पर विश्वास नीं कित्या;

यूहन्ना 14:17

यनिके पवित्र आत्मा तिसजो जे संसारा रे लोक ग्रहण नीं करी सकदे, काँह्भई सै नांत इस्सो जाणाँ ये कने नांई देखी सक्कां ये; पर तुहां तिसरा पता, काँह्भई तिस सदा तुहांजो रैहणा कने तुहां च वास करना।

यूहन्ना 14:26

पर सहायक, यनि पवित्र आत्मा, तिस्सो जे पिता मेरे नौआं ते भेजणा, तिस सब गल्लां तुहांजो सखाणियां कने जो किछ मैं तुहांजो गलाया सै सब गल्लां याद कराणियां।

यूहन्ना 15:26

पर तिस बगत जे सहायक औणा, ये सै पवित्र आत्मा सै जे पिता परमेशरा रिया तरफा ते औआं कने सै जे सच्च आ तिस्सो प्रगट करां। ताहली जे तिस औणा, तां तिस तुहांजो मेरे बारे च दसणा।

यूहन्ना 5:44

तुहें माह पर विश्वास नीं करी सक्कां ये, काँह्भई तुहें त अप्पूँ बाटियें इक दुज्जे ते आदर लेणा पसन्द कराँ ये, कने तुहें इकमात्र परमेशरा ते तारीफ पाणे री कोशिश नीं करदे।

यूहन्ना 8:43

तुहें समझी नीं सकदे भई हऊँ क्या बोलीराँ? येढ़ा इस खातर आ काँह्भई तुहें मेरा सन्देश सुणने जो इन्कार कराँ ये।

प्रेरितां 16:14

लुदिया नौआं री थुआतीरा नगरा री बैंगणी कपड़े बेचणे औल़ी परमेशरा री इक भगतणी सुणया राँ थी। परमेशरे तिसारा मन खोल्या भई सै पौलुसा रिया गल्लां पर चित लगाओ।

प्रेरितां 17:18

फेरी इपिकूरी कने स्तोईकी दार्शनिकां चते किछ तिसने तर्क करने लगे, कने कईयें गलाया, “ये बकवादी क्या बोलणा चाँह?” पर दुज्जेयां गलाया, “ये होरसी रा प्रचारक लगया राँ” काँह्भई सै यीशुये रा कने भीं ते जिऊंदा हुणे री खुशखबरी सुणावां था।

प्रेरितां 17:32

मूईरयां चते जिऊंदा हुणे री गल्ल सुणीने किछ लोक मजाक उड़ाणे लगे, कने कईयें गलाया, “ये गल्ल अहें तेरते फेरी कदीं सुणगे।”

प्रेरितां 18:15

पर जे ये गल्ल वाद-विवाद, शब्दां, कने नौआं, कने तुहांरिया अपणिया व्यवस्था रे बारे ची तां तुहें इ जाणो; काँह्भई हऊँ इन्हां गल्लां रा जज नीं बणना चाहन्दा।”

प्रेरितां 25:19

पर सै अपणे धर्मा रे सम्बन्धा रियां किछ गल्लां च पौलुसा ने मतभेद था कने यीशु नौआं रे किसी माहणुये रे बारे च, सै जे मरी चुक्कीरा, पर पौलुस तिसरे ज्यूंदा हुणे रा दावा कराँ।

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

1 कुरिन्थियों 1:23

पर अहें त तिस क्रूसा पर चढ़ाईरे मसीह रा सन्देश सुणवांये, सै जे यहूदियां रे खातर अपमान आ कने अन्यजातियां रे खातर मूर्खता इ;

1 कुरिन्थियों 1:25

काँह्भई परमेशरा री मूर्खता माहणुआं रे ज्ञाना ते ज्ञान-वान इ, कने सै जे परमेशरा री निर्बलता माहणुआं रे बला ते बौहत बलवान इ।

1 कुरिन्थियों 15:44

ताहली जे सै दफनाया जां, तां सै इक शारीरिक शरीर आ, कने ताहली जे जिऊंदा हुई जां, तां सै इक आत्मिक शरीर आ। जे इक शारीरिक शरीर आ तां इक आत्मिक शरीर बी आ।

1 कुरिन्थियों 15:46

पर पैहले आत्मिक नीं था, पर शारीरिक था, इसते बाद आत्मिक हुया।

1 कुरिन्थियों 2:12

पर अहें संसारा रा आत्मा नीं पाया, पर सै आत्मा पाया सै जे परमेशरा रिया तरफा तेआ ताकि अहें तिन्हां गल्लां जो जाणिये सै जे परमेशरे अहांजो मुख्ता त दित्तिरे।

1 कुरिन्थियों 3:1

मेरे साथी विश्वासियो, हऊँ तुहांजो तिसा रितिया ने गल्लां नीं करी सक्कया तियां जे आत्मिक लोकां ने हुआं इयां, पर तियां जे शरीरा रिया इच्छा रे मुतावक चलने औल़यां लोकां ने, कने तिन्हांने सै जे मसीह च छोट्टे बच्चयां साई ये।

याकूब 3:15

येढ़े ज्ञाना रा स्रोत परमेशर नींआ, ये दुनियावी आ, शारीरिक कने शैतान्नी आ।

1 यूहन्ना 2:20

पर यीशु मसीह तिने पवित्र आत्मा तुहांजो दित्या, इस खातर तुहें सारे सच्चाई जो जाणाँ ये।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

यहूदा 1:19

ये सैई लोक ये सै जे फूट पांये; ये लोक अपणी स्वाभाविक इच्छा रे मुतावक चलां ये कने तिन्हां च पवित्र आत्मा वास नीं करदा।